比起一般搬屋，移民搬屋要注意同準備嘅功夫就多好多啦！包裝、報關、揀海運定其他運送方式…樣樣都要諗！如果跟足以下嘅貼士，包您移民搬屋時慳返大把時間同功夫。
禁運物品 一般嚟講，每個國家都會有各自嘅禁運及限制入境物品清單，如果您移民搬屋時需要運送呢類物品就需要特別申報。一般嘅禁運物品包括珠寶、金條、藥物、食物、植物等。而如果您要移民去美國、澳洲、加拿大、日本、歐盟國家時，搬運物料有木櫃、木箱等，就需要事先進行熏蒸並提供相關證明書，以免有害蟲入境破壞當地生態。
選擇合適搬運服務 移民搬屋嘅運送方法主要都係空運及船運。空運嘅好處就係需時較短，一般地方只需5-7日都可以送到，但價錢就較船運貴。如果唔係時間趕急嘅話，多數人都係選擇船運。船運唔只價錢較平，搬運家私都會更方便，一般做法都係一個個貨櫃上船，只要有合適嘅包裝就會好穩陣。時間上都唔算太耐，例如東南亞地區上船連清關都係只需2-3星期。
入口稅 唔同香港，好多國家都有徵收入口稅。但如果您係該國嘅公民(Citizen)嘅話，只要您有做足申報，一次過因移民搬屋而搬運嘅物品都可獲豁免。但係要留意嘅就係免稅機會只可以用一次，如果您移民後有其他物品入口，例如網購時，都需要俾入口稅㗎。
移民搬屋一世人可能只會經歷一次，所以事前一定要做足準備，搵間啱您嘅搬屋公司，所有嘢都事半功倍！
------ 【高永搬屋教室-課題重溫】 搬屋報價要準備嘅3大基本資料 https://bit.ly/2ZIgUJo 4種搬屋公司收費模式 https://bit.ly/2QXRjY4 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)