早前英國政府公佈，由2021年1月起，持有BNO嘅港人可以申請到英國生活5年，然後再申請定居身份，住滿多1年後就可以正式成為英國公民，其間可以工作同讀書。政策一出，好多港人都會考慮移民，而搬屋公司接到有關海外搬遷嘅咨詢都多咗。雖然移民門檻低咗，但係究竟英國嘅生活快點呢？今次我哋由租金嘅角度睇吓！
平均租金 根據地產網HomeLet發放嘅資訊，喺今年8月份，英國全國嘅平均租金為985鎊(約10202港元)。而倫敦嘅平均租金為1653鎊(約17120港元)，唔計倫敦嘅話，全國平均租金只係825鎊(約8545港元)。可見工作機會較多，生活指數較高嘅倫敦租金高過其他區一倍有多。
平均收入 根據英國官方網站嘅數據顯示，截至2019年4月，英國嘅工作人士每月嘅收入中位數係約2,544鎊(約25,963港元)。而英國嘅租賃公司Benham and Reeves喺今年年初嘅報告指出，英國租屋嘅費用佔收嘅入45.5%，而喺倫敦嘅租金更佔打工仔收入嘅74.8%。
慳租大法 想慳錢嘅話可以租分租套房(HMO)，即同一間屋租俾幾個人，租客要共用廁所同廚房等。HMO月租低至300-400鎊，平普通嘅公寓一半有多。仲有樣要留意嘅係英國租屋要通過信貸紀錄，如果係剛到埗嘅香港人係唔合乎資格，有機會要預繳半年至一年租。
想知道更多關於搬屋/搬office嘅資訊？記得留意我哋嘅Facebook同Instagram啦！ ------- 【高永搬屋教室-課題重溫】 3大衣櫃收納技巧 https://bit.ly/3hS4hlW 詳解搬屋三寶 https://bit.ly/2QXRjY4 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)