2020年11月加拿大政府宣布將會放寬移民政策，而新政可以話係專為港人而設，踏入新嘅一年，究竟移民去加拿大有咩條件呢？而加拿大又適唔適合香港人住呢？
加拿大同香港嘅關係 喺八、九十年代回歸前，香港出現過一次移民潮，而加拿大就係其中一個受歡迎嘅移民國家，好多名人，例如已故嘅藝人張國榮、沈殿霞，而李婉華、鄭敬基、林嘉華等亦先後喺加拿大嘅中文電台做過DJ。
點解咁多港人移民到加拿大？ 加拿大已經係連續第3年被評為全球生活質素最佳嘅國家，全國天然資源豐富，空氣質素、食物安全、教育政策等都係全球數一數二。而加拿大亦擁有全球最發達嘅醫療系統之一，根據2018年世界衛生組織嘅報告，加拿大人均預期壽命為82.8歲，以華人居民為主，有「小香港」之稱嘅列治文市(Richmond)嘅人均預期壽命更高達86歲，全賴加國推行全民醫保，只要係長期居民就可以享用。
而工作方面，加拿大對人才嘅需求好高，佢哋每年都會發佈職位短缺嘅列表，種類非常之多，例如金融、貿易、建築、運輸、地產、醫療、零售、餐飲、物業管理、酒店業、土木工程師、機械工程師、電子工程師、化學工程等等都有需求。如果您係：護理相關科系、幼兒教育相關科系、資訊工程相關科系及美髮設計相關科系等嘅人才，技術移民嘅機會更高。另外加拿大嘅退休福利制度亦都好完善，合乎資格嘅退休人士可以申請到養老金、退休金、保證收入補助金等，金額視乎您喺加拿大嘅工作及居住時間而定。
加拿大最新移民政策 加拿大最近宣布，2021年將會開設兩款移民政策，目標每年招收37萬新移民。
開放式工作簽證 (Open Work Permit) 呢項措施係專為香港人而設，只要您係喺五年內畢業於加拿大或海外獲認可嘅專上教育機構嘅香港人就可以申請有效期為三年嘅開放式工作簽證，簡單嚟講，即係您就算您係喺香港嘅大學畢業，都合乎資格申請。而您嘅配偶、合法伴侶及受供養嘅子女都可以去加拿大工作，而且暫時未有列明申請者嘅年齡上限。
加快申請永久居留權 1. 只要您係喺加拿大認可嘅教育機構畢業或海外研究生，五年內曾喺加拿大工作至少一年嘅香港人，即可申請永久居留。 2. 如果您三年內喺加拿大專上教育機構畢業，或者喺加拿大認可嘅教育機構就讀並於加拿大完成最後課程嘅香港人，亦可直接申請永久居留。
以上兩項措施都係針對香港嘅年輕人才，可以話喺開咗條直路俾香港人，連申請人嘅家人都可以獲得移民資格，同時申請嘅時間亦都縮短咗。以上政策都係喺2021年就開放，有興趣嘅朋友記得留意住加拿大嘅公布啦！
雖然加拿大係好多人移民嘅首選，但其實加拿大亦有啲港人唔習慣嘅地方，以天氣為例，加拿大比香港凍及乾燥，喺嗰邊長期生活嘅朋友要注意皮膚嘅保濕。而加拿大嘅生活亦唔會有香港咁多姿多采，平時嘅生活都係以家庭為主，夜生活唔太多，反而追求更健康嘅社交活動，例如行山、健身等。另外，雖然加拿大鼓勵外國人才移居，但事實上外國人才移民後嘅工作機會未必滿足到您，甚至有機會要重頭開始添！
無論移民去邊度都有機會適應唔到，最緊要係諗清楚點解要移民，同時亦要做好資料搜集，畢竟移民係一件大事嚟！作為一間搬屋公司，我哋可以俾嘅移民意見唔多，但如果您係想查詢有關移民搬屋嘅事項、想睇任何有關移民搬屋嘅資訊嘅話，歡迎直接聯絡我哋！
想知道更多關於搬屋/搬office嘅資訊？記得留意我哋嘅Facebook同Instagram啦！ ------ 【高永搬屋教室-課題重溫】 BNO移民英國最新懶人包 https://bit.ly/388nHRk 紙箱都有咁多種？搬屋紙箱大解構！ https://bit.ly/34UWEH8 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp) #高永搬屋 #GoingMoving #Movingcompany #relocation #高永教室 #搬屋 #搬運 #搬屋公司 #搬運公司 #搬寫字樓 #搬辦公室 #搬屋報價 #搬屋紙箱 #搬家私 #搬琴 #搬雪櫃 #搬屋吉日 #搬唐樓 #搬村屋 #移民 #移民搬屋 #移民搬遷 #移民注意 #加拿大移民 #移民加拿大 #加拿大搬屋