【移民葡萄牙】葡萄牙黃金簽證


移民葡萄牙

葡萄牙嘅黃金簽證項目堪稱為歐洲最受歡迎嘅移民方案之一,除咗因為可以喺短短五年之內獲得葡萄牙公民資格,亦因為佢係獲得歐盟國家永久居留權及入籍資格嘅最快捷徑。黃金簽證正式名稱係「Investment Residence Permits」(ARI),係葡萄牙政府為咗解決2010年歐債危機,喺2012年10月推出嘅一項投資計劃,允許非歐盟公民通過投資當地房地產或者業務而獲得居留權,逗留期間可以喺葡萄牙生活同工作之外,更可以用呢個簽証,喺法國、西班牙、德國、意大利等27個歐盟國家自由出入境。


葡萄牙黃金簽證申請條件

1A. 喺房地產方面投資指定金額 - 於指定地區購買28萬歐元嘅房地產 - 於指定地區用35萬歐元參與舊樓重建項目(即樓齡超過 30 年,而且尚未翻新嘅二手樓) - 購買價值50萬歐元嘅房地產 或 1B. 對現有葡萄牙企業投資35萬歐元;必須成立公司或新增股本,並創造至少五個全職工作崗位,為期至少三年 或 1C. 喺合格嘅投資基金中投資至少35萬歐元;由葡萄牙CMVM(證券市場委員會)進行監管

2. 年滿18歲 3. 無犯罪等不良紀錄 4. 非歐盟國家居民 5. 取得有效申根簽證


不過要注意嘅係,雖然投資金額唔算高,但喺葡萄牙買樓同喺香港買樓一樣,都會有額外嘅費用需要支付,例如物業轉讓稅(介乎樓價1-8%,視乎樓價及物業用途)、貸款印花稅(如申請按揭須繳付樓價0.6%作貸款印花稅)、物業交易印花稅(樓價0.8%)、取契費、查冊費、物業估價費、律師費、按揭顧問費等。


葡萄牙黃金簽證居住要求

喺頭兩年,申請人必須喺葡萄牙至少總共逗留14日。只要攜帶護照,您嘅居留卡會允許您喺申根國家內自由旅行,無需申請任何簽證。如果夠期更新您嘅居留許可並獲得新嘅居留卡,就需要喺居留卡到期前30至90日之間辦理續簽申請手續。過程中申請人需要重新進行生物識別(例如指紋)、提供最新嘅犯罪記錄,及每位申請人支付2637.2歐元嘅申請費用。喺第三至第四年,申請人就再需要喺葡萄牙停留14日(連續或非連續),然後再經歷第二次續簽過程。去到第五年,就可以選擇申請永久居留權或公民身份,甚至係繼續每兩年更新一次黃金簽證。


葡萄牙入藉條件

1. 居滿五年申請長居,再居住多一年可申請入籍 2. 有經濟能力 3. 於葡萄牙有住所 4. 通過葡萄牙語(CIPLE A2)考試

有別於其他國家嘅移民簽證,葡萄牙黃金簽證相對上簡單得多,既冇語言、學歷或管理經驗要求,亦無需資金來源證明,最吸引嘅係,一人申請可以三代同行(配偶、雙方父母及未婚子女)。但根據葡萄牙官方消息,喺今年開始,葡萄牙沿海地區,以及里斯本、波爾圖呢兩個大城市,將陸續拒絕黃金簽證嘅申請,只會允許海外人士投資較為落後嘅內陸城市。有意申請呢張免移民監嘅通行証,就要密切留意之後嘅動向喇。