【移民英國】BNO簽證點搞？（下）高永教你移英申請六步曲
上星期講完BNO護照同BNO簽證嘅申請資格，今日就同大家講解由香港準備到真正移民英國嘅步驟及其他注意事項啦！
移英申請六步曲
1. 網上登記新簽證
https://visas-immigration.service.gov.uk/product/uk-visit-visa
2. 確認身份 -
方法1：網上申請；申請者可於手機應用程式「英國移民：身分檢查(UK Immigration:ID Check)」掃描BNO／香港特別行政區護照
*申請成功後，可於簽證到期日前自行決定出發日期，不限於90日內
方法2：預約北角簽證申請中心，提供指紋及照片以辦理生物識別居留許可
*需於申請成功後90日內出發
3. 選擇簽證類別：
30個月 (簽證費：$180英磅/約$1800港幣) 後延長簽證／
60個月 ( 簽證費：$250英磅/約$2300港幣 )
4. 連續居住英國5年
*期間需要通過Life in the UK test（詳情請閱【移民英國：BNO簽證知多啲（上）】）
5. 申請永久居留權
6. 再住多一年，申請入籍
太空人計劃 - 咩情況下申請者及其家屬可以分開提交申請？
以往BNO持有人必須同家庭成員同一時間申請簽證及於限期內同步入境，但英國政府已經更新指引： - BNO主申請者及家屬可以選擇「前後腳」抵達英國，但需要同時間提出申請
- 主申請者獲得申請編號後，其家屬需要喺48小時內用同一編號申請，屆時所有簽證申請將會被一同處理
- 以下情況BNO主申請者嘅配偶、伴侶及18歲以下子女可以分開提出申請：
1. BNO主申請者已獲批簽證，期間所生嘅子女將會獲取與父母同樣資格，可分開申請簽證
2. BNO主申請者喺獲發簽證後認識新伴侶，只要符合受養伴侶嘅要求，亦可前往英國
3. 夫婦其中一人先出發英國安頓，之後由另一人帶同子女前往英國，可分開申請簽證
提提大家，如果家屬／已成年受養人家屬，喺BNO主申請者獲批入境許可／獲准留英後先提出申請，係有機會不獲批准㗎。另外，喺申請定居英國許可嘅時候，子女必需與BNO主申請者同時間取得居留權或入籍，亦即係話，如果家庭入面有「前後腳」到達英國嘅情況，預先到達嘅人須要延長居留資格，直至最後到達嘅家人都居住滿5年，先合符申請入藉嘅條件。
英國政府亦計劃2022年9月開始，如果您係1997年7月1日後出生並年滿18歲，只要父母其中一方擁有BNO身分，就可以提出獨立申請，預計呢項修改將於今年10月生效。
想知道更多關於搬屋/搬office嘅資訊？記得Follow我哋嘅Facebook同Instagram啦！
-------⠀
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)⠀
#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #移民英國 #申請BNO #太空人計劃