【移民英國:BNO簽證知多啲(上)】


移民英國

截至2021年12月底,BNO簽證共批出約9.8萬宗。雖然上年7月開始已經唔可以再透過「Leave Outside The Rules」特快申請前往英國(LOTR,即允許BNO持有人及其家人喺未獲得BNO簽證前提早6個月入境) ,但申請BNO簽證都唔係一件複雜嘅事,一般只要您符合特定條件,12個星期內就會獲批。想知道自己合唔合資格申請、如果冇BNO護照可以點做?一齊聽吓高生點講啦!


BNO 5+1

由2021年1月31日開始,合資格香港居民可以申請BNO 5+1簽證移民英國。5+1意思即係申請者可以選擇喺英國逗留兩年半或者五年,期間可以無限次申請延長簽證,直至喺英國居住5年,申請取得永久居留權(indefinite leave to remain, ILR),最後喺英國再居住一年,申請入籍成為英國公民(British Citizenship, BC)。

要留意嘅係,除咗18歲以下 、65歲或以上、特別情況許可人士,其他有意申請入藉者都需要通過一個限時45分鐘、作答24條選擇題嘅考試 - 「Life in the UK」,證明申請人對英國生活有足夠的了解,並且對英語具有足夠能力。考核內容關於英國傳統、歷史、法制等,合格分數係要答啱75%,每次費用為50英鎊(約$500港幣),唔合格嘅話可以喺申請ILR之前無限次補考,如果喺5年BNO簽證期內唔能夠通過考試,又申請唔到其他簽證嘅話,就有可能要離開英國。


BNO簽證申請條件

1. 年滿18歲或以上,持有BNO護照嘅香港居民及其家屬(均需居住在香港) *所持 BNO 可以係仍然有效或無效,即使BNO已經過期,只要持有人曾經喺1997年7月1日前成功申請過BNO,而家都可以重新續領/憑特區護照申請

2. 繳付簽證相關費用及醫療健康附加費/健康稅(Immigration Health Surcharge, IHS) *只要您要申請喺英國逗留超過6個月,包括留學簽證,工作簽證,移民簽證等,就算已經有私人醫療保險,都需要支付IHS費用,以享有國家醫療服務(National Health Service, NHS)。 - 費用為每年624英鎊(約$6400港幣)/470英鎊(約$4800港幣)(18歲以下、學生及Tier 5工作假期簽證人士)

3. 取得由英國內政部(Home Office)認可之醫務所發出的結核病測試證書(TB Test Certificate)

4. 對學習英文有意願及決心

5. 要證明有足夠資金在英國生活至少6個月

6. 無嚴重刑事犯罪紀錄,未曾從事英國政府認為不利於公眾利益的事務或活動


BNO簽證以外的移民方法

如果您從未申請過BNO護照、您嘅父母所持有嘅BNO護照亦未有列明閣下係「Included Child」,咁就可能等於您冇申請BNO護照嘅資格,換句話說,亦唔可以申請BNO 5+1簽證移民英國。 唔緊要!仲有其他方法嘅!例如透過工作/投資/創業,期間取得臨時居留簽證(Temporary Residence Permit),並得到僱主或政府擔保,居住滿5年之後都可申請入藉,住多1年及通過「Life in the UK」測試後,亦一樣可以成為英國居民!不過由於唔同途徑有唔同嘅細項要注意,有需要嘅客人可以留意返我哋嘅網站,之後會有呢方面嘅更新㗎!


想知道更多關於搬屋/搬office嘅資訊?記得Follow我哋嘅Facebook同Instagram啦! -------⠀ 高永搬屋官方網站:http://bit.ly/32HNqeO 高永搬屋Instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)⠀


#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #移民英國 #申請BNO