【移民攻略】良民證申請須知


良民證

如果您正計劃移民或者係去海外留學,絕大部分國家或城市都會要求您出示良民證,即係「無犯罪紀錄證明書」(CNCC),係一項由香港警務處提供嘅收費服務,目的地嘅相關領事館、移民局同政府會視良民證為背景調查文件之一,證明您係良好公民之後先會接受您嘅入境申請。好多人會有疑問,曾留有案底嘅話可唔可以申請良民證呢?答案係可以,只係會同時列出犯罪紀錄資料,而正接受執法機構調查、刑事訴訟嘅被告人或者欠交罰款人士,該申請就會留待事件結束之後再處理。


申請良民證時間

喺收到領事館、移民局或政府當局發出邀請信之後,就可以準備良民證嘅申請。申請人須於預約時間至少一日前於網上預約系統辦理手續,唔可以Walk-In㗎!網上預約系統可預約日期亦已經由30日擴展至60日,同時辦事處承諾絕大部份情況下,都可以喺四星期內完成整個申請處理,以及將結果直接以香港郵政掛號郵件方式寄俾相關部門。良民證結果只會顯示發出日期,係冇實質嘅有效期限㗎,不過要求您提交良民證證明嘅相關部門,例如各地領事館、移民局或其他政府部門,就會事先訂立良民證結果嘅有效期,所以申請人需要留意清楚各單位嘅期限,再決定幾時申請係最理想。溫馨提示,由於良民證冇急件處理服務,所以有需要申請良民證嘅您記得規劃好時間喇。


在港人士申請良民證流程

1. 瀏覽警務處預約系統及點擊「開始預約」 2. 留意預約服務為「無犯罪紀錄證明書」 3. 填寫個人資料後選擇預約確認方法 4. 選擇預約日期及時間 5. 確認預約 6. 於預約日期帶同所需文件前往灣仔警察總部警政大樓辦理手續


申請良民證所需文件

1. 良民證申請表格 2. 套取指模同意書 3. 申請人資料填報表 4. 香港身分證/旅遊證件正本 5. 由領事館/移民局/政府部門發出的信件之正本及副本* *文件需為一年內發出,而且信件需列明申請人姓名、以及部門需要申請人嘅無犯罪紀錄證明書作審批用途;需列明部門嘅郵寄地址以便接收結果


海外人士申請良民證須知

申請人可以用郵寄或委派代表方式,遞交所需要嘅申請文件,不過要留意嘅係,唔同國家對良民證嘅具體要求都有分別,如果您曾經喺香港以外嘅地方長時間居住過,就有可能同樣需要喺嗰邊向有關部門申請無犯罪記錄證明書。另一方面,海外申請人喺申請香港良民證嘅時候,需要繳交全套指模,呢項程序要由認可嘅執法機構或領事館處理,同時要列明為申請人取指模嘅人員姓名及職級、指明該執法機構嘅名稱並蓋上印章,及指模印取日期及地點。


良民證申請費用

申請費用為港幣$225,申請人可於親身辦理時以現金、八達通(最建議)、易辦事或支票現場支付;海外申請人就可以遞交銀行匯票或個人支票,以港幣支付申請費用或委託香港代表人親身繳付費用。

想知道更多關於搬屋/搬Office嘅資訊?記得留意我哋嘅Facebook同Instagram啦! ------- 高永搬屋官方網站:http://bit.ly/32HNqeO 高永搬屋instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #良民證