【移民搬屋】結婚就移得？移民去台灣嘅五大途徑！
- Mr Go
- 2021年1月23日
- 讀畢需時 4 分鐘
已更新：2022年1月11日
呢一年關於移民嘅查詢飄升，相比起移民去歐洲各國，台灣係香港人較易適應同門檻較低嘅選擇，但係移民去台灣真係咁易？係咪同台灣人結婚就可以移民？移民搬屋去台灣又有咩方法呢？
1. 創業移民
申請者只要持高中以上學歷，並符合以下其中一個條件，就可以申請「創業家簽證」：⠀
i. 獲得國內外創業投資事業投資，或喺政府認定嘅國際性募捐平台籌資200萬元新台幣（約52萬港元）以上
ii. 已獲同意進駐政府認定之新業園區或育成機構
iii. 取得國內外專利權者，或具專業技能
iv. 曾參加國內外具代表性之創業、設計競賽獲獎，或申請政府鼓勵外國
創業家來台專案計劃通過
v. 設立符合「具創新能力之事業認定原則」化事業，擔任該事業負責人並投資新台幣100萬元（約25萬港元）以上
只要符合上述條件，就即可獲一年嘅居留簽證。然後由台灣政府審核業務，再決定是否延長簽證，每次延續期都唔可以超過二年。申請人只要連續居留滿五年，以及每年喺台灣居住超過183日，就即可申請永久居留。而業務審核需符合以下條件：
i. 最近一年或三年平均年營業收入達300萬元新台幣（約78萬港元）以上
ii. 最近一年或三年平均年營業費用達100萬新台幣以上
iii. 聘僱全職台籍員工3人以上
2. 投資移民
只要申請者符合以下條件，就可以喺第一年申請台灣護照，申請期間係唔可以離境超過30日。
i. 創立資金需達600萬新台幣(約156萬港元)或以上
ii. 要開設有實際業務嘅公司，或者投資現有嘅台灣公司
iii. 每年至少要請2個以上嘅台灣籍員工
iv. 公司需營運滿3年
3. 技術移民
台灣專業移民主要針對以下三類專業人士：
i. 具有專業技術能力者：擁有專業資格或技術，並任職兩年以上。例如：會計師、律師、建築師及醫務人員
ii. 喺特殊領域之應用工程技術上有成就者：具有五年以上廠務或研究發展嘅實務經驗，並且擔任經理以上職位；或者喺光電、資訊軟體、高速鐵路、航運、生物技術等方面，從事相關領域十年以上，並持有大學博士或碩士學位等資歷，例如：新興工業、關鍵技術、關鍵零組件及產品有專業技能者
iii. 喺專業領域有特殊成就者：例如：學術、科學、文化、新聞、金融、保險、證券、期貨、運輸、郵政、電信、氣象或觀光專業等專家及學者，申請後要喺台灣居住滿一年，其間離境唔可以超過30日。
4. 升學移民
i. 喺台灣完成學位並喺香港工作人士：喺台灣畢業回港後工作兩年，然後申請台灣居留權，連續居住兩年並居留270日或以上就即可申請喺當地定居。
ii. 喺台灣完成學位並喺台灣工作人士：畢業後依照「僑外生留臺工作評點配額制」評分，分數達70分以上並有月薪38,000新台幣（約9,900港元）或以上就可以留台工作，申請人必需居留台灣至少5年，每年要喺台居住183日或以上，而喺第5年嘅月薪需有約42,000元新台幣(約11,000港幣)，先可申請定居。
5. 結婚移民/依親移民
i. 先喺香港申請無結婚紀錄證明書（俗稱：寡佬證）、無犯罪紀錄證明書，以及入台證。
ii. 然後喺台灣註冊結婚、做身體檢查及申請居留證。申請後需要連續喺台灣居住滿一年(離境時間少於30日)，或者住台兩年(滿270日以上)。
留意另一半必須係台灣籍，假設有直系親屬係台灣人，都可以以此方法申請。
移民台灣嘅好處
台灣係港人移民嘅熱門目的地之一，原因係文化同語言都係相近，普遍物價、樓價亦較低，而根據全球資料庫網站「Numbeo」喺2020年嘅數據排名，台灣嘅醫療保健指數更加係冠絕全球，港人移民後就可以享有全民保健嘅服務。
移民搬屋去台灣
相比起其他歐洲國家，移民搬屋去台灣嘅成本更平同更快！不過要注意嘅係台灣嘅插頭同香港唔同，電壓亦較低(香港220V，台灣110V)，有機會帶埋轉插去都用唔到，反而喺當地買新嘅仲方便！最後提提大家，移民免關稅嘅機會只限一次，有咩想拎過去就要一次過喇！
想知道更多有關搬屋嘅資訊嘅話，記得留意住我哋嘅Facebook同Instagram啦！
------
【📚高永搬屋教室-課題重溫】
紙箱都有咁多種？搬屋紙箱大解構！ https://bit.ly/34UWEH8
BNO移民英國最新懶人包 https://bit.ly/388nHRk
-------
🚚高永搬屋官方網站：http://bit.ly/32HNqeO
🖼️高永搬屋Facebook：http://bit.ly/39NpE3c
📲線上報價/查詢：http://bit.ly/goingmoving / +852 5595 7455 (Whatsapp)
Comments