如果您有搵過搬屋公司，或者身邊有親朋戚友搬過屋，都應該知道搬屋公司出咗名係「海鮮價」，點解同一個單位，搬屋公司嘅報價可以由$4,545去到$16,215？好多人都搞唔清到底搬屋公司係根據咩定價，高仔就幫大家揭開呢個神祕面紗。 逐件收費
首先，搬屋公司嘅收費模式主要分為幾類，第一種係近年好興嘅逐件計收費模式。呢類公司會根據要搬嘅物品類型去定價，再將所有嘢嘅價錢加埋，然後加上裝拆費、出車費、佔車嘅空間費用等等雜費，就係最終嘅費用。而通常呢種收費模式係會有最低收費，大概$500-$700不等。參考某啲逐件計嘅公司網站，如果您要搬一張標準單人床（要裝拆）、一張三座位梳化（毋須裝拆）同埋一個部鋼琴（毋須裝拆），唔計包裝物料及車費等其他雜費嘅話大概要$1100左右。呢種收費睇落會較清楚明確，但無論紙箱數量同包裝物料等都要另外收費，所以最後得出嚟嘅價錢唔會有太大分別。
按呎價收費
第二種係以前比較多公司用嘅，就係根據呎數去定價，500呎一個價，1000呎一個價，就係咁簡單。不過呢一種收費模式都越嚟越少見，作為一間專業嘅搬屋公司，始終冇可能只係以呎數嚟作標準去收費。假設家私及所有搬遷因素相同，500呎要搬100個紙箱，而1000呎嘅客人就得30個紙箱，剩係照呎價計嘅話，搬屋公司幫500呎個客搬嘅時候就會蝕到入肉！所以呢種收費方式可以話係已經過咗時。
按物件佔用車嘅空間收費
第三種係淨係計車數，例如1/4車一個價，3/4車一個價，即係話以您要搬嘅家私雜物佔架貨車嘅空間大小而收費。要注意嘅地方就係您要搬嘅嘢全部都係由搬屋公司搬上車同砌好放喺車，所以佔嘅空間多少，可以話係全部由佢哋去決定。搬屋公司會以經驗同安全性去幫您諗點砌先最穩陣，但佢哋嘅出發點究竟係咩，真係要佢哋自己先知，如果您想揀呢類收費模式嘅公司，一定要揀間有聲譽，可靠嘅搬屋公司。
綜合報價
第四種係根據您要搬嘅嘢綜合考慮到所需嘅時間、人手、裝拆功夫、家私同雜物嘅數量，作出一個定額報價。雖然呢種收費模式嘅透明度好似唔太高，但事實上大部份嘅搬屋公司都係用緊呢種報價方式，因為每間搬屋公司嘅營運成本都唔同，每件物品都有自己定好嘅收費，而每位客人嘅新舊址嘅搬運環境都有唔同，甚至對每一件家具嘅包裝要求都未必一樣，所以搬屋公司要了解所有資訊先可以出到一個準確嘅報價俾客人。因為考慮過眾多因素，所以呢種收費及報價模式係最準確。
收費取決於成本
講到底，搬屋公司嘅報價都係按照自己嘅成本去計算，而每間公司嘅成本都唔會相同，例如有啲公司擁有自己嘅物業，扣除倉租呢個成本，報價自然較平。而坊間對搬屋公司有好多誤解，事實上，喺現今嘅資訊科技年代下，相信靠「紋身大漢」、「坐地起價」、「屈茶錢」呢啲技倆搵食嘅公司已經絕無謹有。試諗吓，呃完您錢之後仲要比您擺上網、告上消委會，條數點都唔會襟計啦！
其實淨係上面四種計算方式，計出嚟己經可以好唔同，再加上如果搬運嘅地方有樓梯、斜坡、要搭兩次電梯、要推一段遠路等嘅情況，價錢就會差得更加遠。所以搵搬屋公司嘅過程一定要做足準備功夫，儲齊資料，搵多幾間公司報價，選擇最適合自己嘅公司就最好。 搬屋公司嘅服務包括啲咩？
搬屋公司嘅服務包羅萬有，一般搬屋公司由最基本嘅點對點搬屋及搬寫字樓服務，去到傢俬嘅裝拆、存倉服務等都有提供。而一啲比較大型或有經驗嘅搬屋公司亦有提供移民搬屋嘅服務，即係由香港舊址運到外國新址嘅一條龍服務。
香港有最少過百間搬屋公司，每一間都有自己嘅特色同服務範疇，所以如果您要搬屋嘅話，首先要了解返嗰間公司有冇提供您所需要嘅服務、報價清唔清楚、客人對公司嘅評價等等，起碼搵4-5間做比較，唔好隨便揀一間就算，亦都唔好貪便宜，唔係嘅話有機會搬完之後得不償失㗎！
高永搬屋Going！Moving！提供嘅搬屋服務有啲咩？
我哋主要嘅服務包括：
- 家居搬遷服務
- 商業搬遷服務
- 長短期存倉服務
- 國際搬遷服務
高永係由一班有豐富經驗嘅搬屋師傅及一班充滿活力嘅年輕宣傳團隊組成，擁有眾多搬屋經驗嘅同時亦願意與時並進，希望透過社交媒體及互聯網去同大交交流有關搬屋嘅資訊。
我哋嘅宣傳宗旨係，無論有冇用過我哋嘅搬屋服務都好，希望您都有睇過我哋嘅文章同分享，令到您可以成為一名精明嘅搬屋消費者！
而係服務上，我哋一直以客為先，由客人嘅角度出發，為您制定一份屬於自己搬運方案。同時，我哋亦為業界引入可循環使用嘅環保防水箱，減少紙箱嘅消耗，為環保出一分力。
想知道更多關於搬屋/搬office嘅資訊？記得留意我哋嘅Facebook同Instagram啦！ ------- 高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)