【搬屋準備】搬屋前有咩要準備?


搬屋準備

對好多人嚟講,搬屋係一件好繁複嘅事。執嘢、斷捨離、pack雜物…樣樣都要搞好耐!無論搵唔搵搬屋公司都好,盡早做好準備,包您慳到唔少工夫同時間!


搬屋前4星期準備事項

聯絡搬屋公司

搬屋前4星期要準備嘅嘢唔算多,如果您唔係打算自己搬屋嘅話,首先就當然係搵搬屋公司預約、報價,然後確定搬屋嘅日期啦,因為好多人都需要提前請假,等搬屋當日可以盡量在場監督搬運過程。


搬屋改地址

另外大家記住要通知有關機構同親友更改地址,例如郵政局、稅務局、銀行、信用卡公司、家庭醫生、學校等所有需要通訊地址嘅機構。政府一站通入面有網上更改地址服務,您可以一次過同23個政府部門同7個非政府機構更改地址紀錄,當中包括水務署、香港郵政、房屋署、稅務局等等。


最後,記得要提早整理好重要嘅文件,再另外搵嘢裝住,小心保管好,以免搬屋時發生誤會,或者搬屋後搵唔返啲文件!


搬屋前2星期準備事項

水電煤轉地址

搬屋除咗要通知相關部門更改地址之外,您亦都要申請斷舊居嘅水電煤,如果您唔記得申請取消舊址嘅水電煤,下一手嘅住客嘅用量就會繼續入您數,所以一定要提前申請!方法其實好簡單,宜家水務處、中電、港燈同埋中華煤氣都有提供電子服務。只要上返佢哋嘅網站,申請結束舊址服務及開始新址嘅服務就得。除咗上網更改之外亦都可以致電或者親身到客務中心辦理。以下係更改水電煤嘅詳情:


食水/鹹水供應:如果您已經係電子服務嘅用戶,您可以先到結束舊地址嘅帳戶,然後再喺新地址帳戶申請承接用水。水務署會喺七日內完成辦理,另外您亦都可以致電+852 2824 5000提出申請。


電力供應:如果您係中電用戶,可到中電主頁,或致電+852 2678 2678申請截電、退遠按金同供電嘅事宜,請緊記最少要預留2個工作天通知!而港燈嘅用戶就可到港燈主頁,或致電+852 2887 3411申請。當然您亦可到所屬電力公司嘅客務中手辦理有關手續啦。


煤氣供應:同上而嘅處理方法一樣,您可到香港中華煤氣主頁,或致電+852 2880 6988申請開立及結束煤氣賬戶,同時亦親身到客務中心辦理(申請重新接駁煤氣,記得帶業主身份證明、樓宇買賣合約同埋繳付接駁費)。


搬屋當日準備事項

基本上去到搬屋正日,好多事前功夫都已經準備好哂,不過為咗搬運過程可以更流暢,大家可以喺師傅嚟之前重複檢查一次有冇遺留任何物件,而且可以記低紙箱數量,並且喺每個箱上都做好標記,例如1-3係廚房用品、4-6係書房文具等,又或者係易碎物件嘅箱都可以留低易碎記號,等師傅同自己都可以多加留意。做好記認之後可以將紙箱分類擺好,咁樣就可以方便去到新居後嘅整理,提高效率之餘又可以減少物件遺漏嘅問題。


想知道更多關於搬屋/搬office嘅資訊?記得留意我哋嘅Facebook同Instagram啦!

-------

【高永搬屋教室-課題重溫】

3大衣櫃收納技巧 https://bit.ly/3hS4hlW

詳解搬屋3寶 https://bit.ly/2QXRjY4

-------

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)


#高永搬屋 #GoingMoving #高永教室 #搬屋 #搬屋公司 #搬寫字樓 #搬屋報價 #搬屋收費 #搬屋價錢 #搬屋貼士 #搬屋準備 #搬屋水電煤 #搬屋改地址