• Mr Go

【搬屋搬屋】移民後先發覺插頭唔啱?各國嘅插頭有咩分別?


各國的插頭類型

2020年係香港新一代移民潮嘅開始,而今年一月都未過,我哋已經收咗好多移民搬屋嘅查詢。個個都打算移民,您有冇做足功課先?除咗移民同搬屋嘅手續、費用、工作機會之外,好多小事都要了解清楚先,例如今集嘅主角 - 插頭!


國際電壓

首先要將電壓分成提供出嚟嘅電壓同埋承受電壓。最理想嘅就係插座電壓=電器嘅電壓,咁樣電器就可以正常運作。如果插座電壓比電器電壓大嘅話,即係供過於求,電壓太大有機會燒壞電器!相反,插座電壓太細嘅話就可以供唔夠電俾電器,有機會開唔著部機。


各國插頭及電壓

日本插頭台灣插頭美國插頭

1. 兩腳扁+圓形接地腳:日本(110V)、台灣(110V)、菲律賓(220V)、美國(120V)

泰國插頭加拿大插頭

2. 兩腳扁型:泰國(220V)、中國(220V)、越南(220V)、秘魯(220V)、加拿大(110V)

澳洲紐西蘭插頭

3. 澳規八字扁腳型:澳洲(230V)、紐西蘭(230V)

丹麥插頭

4. 笑面型:丹麥(230V)

英規插頭

5. 英規三腳扁型:英國(230V)、香港(220V)、澳門(220V)、愛爾蘭(230V)、新加坡(230V)、馬來西亞(240V)、杜拜(220V)、馬爾代夫(230V)

法國德國韓國插頭

6. 兩腳圓型:法國(230V)、德國(230V)、荷蘭(230V)、希臘(230V)、芬蘭(230V)、挪威(230V)、捷克(230V)、西班牙(230V)、俄羅斯(220V)、韓國(220V)、越南(220V)、印尼(220V)

意大利插頭

7. 三腳圓型:意大利(230V)、智利(220V)

轉插及變壓器

就算電壓一樣,插頭類型唔同嘅話都係冇可能插得入,呢個時候您需要嘅就係一個轉插!而家已經有好多萬能插蘇,基本上有齊咁多種類型嘅轉插,唔需要擔心因為形狀唔同而插唔入啦。


至於電壓唔同嘅話就真係需要變壓器,不過而家好多電器已經係用緊國際電壓,即係話部電器本身就有變壓能力,可以承受到110V至240V嘅電壓,而且會有標註說明,所以唔需要太擔心電壓問題。


萬能插蘇的確係方便,但如果您唔係去旅行而去移民嘅話,帶哂啲電器去咪要用好多轉插?其實唔少地方嘅電器價格同香港差唔多,甚至更平!與其帶啲用咗好耐嘅舊電器過去,搞到搬屋嘅運費貴咗,倒不如去到當地買過部新嘅,咁就唔需要擔心電壓同插頭嘅問題啦!


想知道更多關於搬屋/搬office嘅資訊?記得留意我哋嘅Facebook同Instagram啦!

------

【高永搬屋教室-課題重溫】

BNO移民英國最新懶人包 https://bit.ly/388nHRk

紙箱都有咁多種?搬屋紙箱大解構! https://bit.ly/34UWEH8

-------

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)

#GoingMoving #Movingcompany #relocation #高永教室 #搬屋 #搬運 #搬屋公司 #搬運公司 #搬寫字樓 #搬辦公室 #搬屋報價 #搬屋紙箱 #搬家私 #搬琴 #搬雪櫃 #搬屋吉日 #搬唐樓 #搬村屋 #移民 #移民搬屋 #移民搬遷 #移民注意 #插頭 #插頭類型 #電壓 #英國插頭 #澳洲插頭