搬屋公司點解會建議客人用紙箱多啲？今日就用容量、承重量同埋保護性三方面同大家分析一吓。
容量及承重量
大Size嘅紅白藍袋比一個紙箱裝多至少1.5倍嘅嘢。至於承重方面，一個紙箱建議唔好裝超過25kg嘅物件，而尼龍布韌性強，紅白藍可以放更重嘅嘢都冇咁易爛，但紅白藍袋嘅手挽車線上去，裝得太重嘅話其實好容易爆。 而且無論自己搬或者搬屋公司搬，放紙箱定紅白藍袋都唔應該放太重，因為好容易會整傷嘅腰椎，始終都係安全至上。
易搬度
易搬嚟講，如果只係得兩三袋唔重嘅嘢要搬，紅白藍袋有個手挽可能係更好嘅選擇，但如果係全屋嘅嘢搬走，一定係紙箱更易搬。 紙箱容易疊高，無論執緊嘢放屋企嗰陣，定搬運時要放上板車都更慳位，而且就算喺狹小嘅村屋都可以輕易搬上樓，所以專業嘅搬運公司都一定建議用紙箱搬，令成個搬運過程更順暢。 紅白藍袋放滿嘢會有「企唔穩」嘅問題，經常會側埋一邊，最重要係佢疊唔高，變咗無論擺放喺屋企，定搬緊嗰陣，都又佔空間、又難搬。
保護性
至於保護性嚟講，紙箱一定比紅白藍袋好。尼龍布質地雖然耐磨，但係太薄，喺搬運過程有較大機會撞到。而紙箱係一個長方體，一旦遇碰撞時受力較少，而且雙坑紙箱有一定厚度，只要收拾時物品放得貼伏，搬起上嚟入面啲物件就唔會郁嚟郁去，保護性係偏高嘅。
二手紙箱
唔少客人會為咗慳錢同環保而選擇用二手/舊紙箱，其實循環使用係一件好值得鼓勵嘅事，但用舊紙箱嘅同時都要檢查清楚紙箱本身有冇發霉、夠唔夠硬身等等，因為如果紙箱硬度唔夠，好大機會承受唔到重量而扁塌，箱入面嘅物品及其他箱都有受影響嘅風險。
大部份搬屋公司都會提供紙箱俾客人，而高永搬屋除咗有全新搬屋紙箱外，仲有特製嘅中空板膠箱同掛衣箱，防水之餘又環保！
想知道更多關於搬屋/搬office嘅資訊？記得留意我哋嘅Facebook同Instagram啦！
高永搬屋官方網站：http://bit.ly/32HNqeO 高永搬屋instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)