澳洲嘅「避風港政策」喺啱啱嘅3月正式生效喇，呢項政策係指專為港人而設嘅全新簽證分類渠道（Hong Kong stream），大大降低咗香港人申請永久居留澳洲嘅門檻，只要係持有特區護照或BNO護照，及臨時畢業生簽證(485)、臨時技術短缺簽證(482)或臨時技術工作簽證(457)，並符合身體檢測及品格審查等通用條件，就可以申請永久居留、移民澳洲，唔需要再根據原有嘅澳洲移民計分（EOI評分）㗎喇！
喺正式介紹呢項政策之前，先同大家了解一吓幾個澳洲熱門簽證嘅代表數字先，如果唔係分分鐘頭都大埋！
會喺本文「避風港政策」提及到嘅： 臨時技術工作簽證(457) 臨時技術短缺簽證(482) 臨時畢業生簽證(485) 獨立技術簽證(189) 偏遠地區技術移民永久居留簽證(191)
下星期高生會再介紹嘅技術移民簽證，包括：
獨立技術簽證(189)
技術提名簽證(190)
技術工作區域（臨時）簽證(491)
入正題！點先可以透過「避風港政策」移民澳洲呢？ 申請條件： 1. 喺澳洲連續居住至少四年，期間持有以下任何一項合資格臨時簽證 a. 臨時畢業生簽證(485) b. 臨時技術短缺簽證(482) c. 臨時技術工作簽證(457) 就可以申請獨立技術簽證(189)申請永久居留 *唔可以同時申請計分渠道（Points-tested stream）或新西蘭分類渠道（New Zealand stream）
或者 2. 喺澳洲偏遠地區居住、工作或讀書至少三年，期間持有以下任何一項合資格臨時簽證 a. 臨時畢業生簽證(485) b. 臨時技術短缺簽證(482) c. 臨時技術工作簽證(457) 就可以申請偏遠地區技術移民永久居留簽證(191)申請永久居留 *於2022年11月16日起接受申請 *唔可以同時申請偏遠地區暫准簽證分類渠道（Regional Provisional Visas stream） 以上兩個途徑都要符合以下條件： 1. 持有特區護照或BNO護照 2. 通過健康檢查及品格審查等公共利益要求
政策入面亦提到，如果您喺2020年7月9日已經獲簽發臨時技術短缺簽證(482)或臨時技術工作簽證(457)，將由當日起自動延長五年；而在學港人留學生，畢業後亦可獲為期 5 年嘅畢業生簽證，等您有足夠時間透過新渠道申請永久居留。
申請費用（簽證189或191適用）： - 18 歲或以上基本簽證費用：AUD$6,170 *如未擁有「基本應用水平英語能力」（Functional English），喺獲批簽證之前將要額外繳付AUD$4,885 「第二期費用」 - 18 歲以下基本簽證費用：AUD$5,145
申請永久居留條件：
1. 喺澳洲居住滿四年，其中至少一年為永久居民（Permanent Resident, PR）身份
2. 四年內出境時間總共不得超過一年
3. 申請入籍該年不得離境超過90日
4. 操基本英語
5. 品行良好
6. 打算於澳洲定居或保持密切關係
7. 通過入藉考試
*考試係多項選擇題，内容包括澳洲嘅歷史、地理及傳統等方面，喺2020年11月之後，亦新增咗「澳洲社會價值觀」呢部分，考生必須全部答啱，而總成績達到75%就合格喇。
想知道澳洲其他移民途徑／其他移民搬屋資訊，記得Follow我哋嘅Facebook同Instagram啦！
-------⠀
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)⠀