雖然全球疫情喺呢三年間一直起伏不定，但毫不左右「移民」一詞一直穩佔熱門搜尋關鍵字嘅位置，政府統計處亦指出2021年約有2.7萬人移出香港到其他城市生活。無論係因為政治、經濟定係個人喜好，要做出移民呢個決定並唔簡單，喺數之不盡嘅煩惱入面，我哋希望可以幫手解決一部分嘅煩惱：到底移民揀邊種運送方式最啱自己呢？
移民搬運公司的選擇
香港最少有過百間大大小小嘅搬屋公司，當中未必間間都有提供海外搬遷服務，如果有需要暫存家當（例如客人需要先出發到當地處理手續/租買房屋），亦都唔係每間都可以提供到存倉、專業移民包裝保護、釘木箱等服務，所以首先要諗清楚自己嘅情況去搵一間能夠照顧您各種需要嘅公司。
邊種方法抵啲？
如果您只有少量箱頭雜物要搬過去當地，您嘅選擇就最多，基本上由速遞公司到大型搬運公司都可以做到，不過價錢嚟講，就會係郵政局嘅空運服務、速遞公司、以及近年新興專做空運嘅移民搬運平台，收費應該會相對划算，亦更快可以送到。（真係最平會係郵政局嘅船運，但就要等好耐。）
如果您係一家人一齊移民，又或者都有幾十箱家當要運走，甚至有家私、電器等大型物品要運走呢，船運就會係您最好嘅選擇。由於空運嘅公司收費係按容量及重量計算，價錢會比船運貴好多，如果您係全屋嘅物品都需要搬過去，費用就會好高；而船運嘅費用雖然喺疫情之下不停加價，但都便宜好多，所以世界大部分貨物流轉都係以船運為主。因此要用邊種方法就要睇客人有幾多物品要寄先再做決定。
邊種方法快啲？
都市傳聞一般都話船運要成幾個月先會到，唔少客人都會擔心要等好耐先到，啲嘢都唔知寄唔寄好。其實船運並唔係想像都咁慢，如果以正常航運船期（航運時間）計，東南亞只係幾日，澳洲只係一至兩星期，美加都係三星期左右，去到歐洲船期30至40日左右，再加事前預早幾日入櫃上船，到達後大約一至兩星期嘅清關程序，正常情況係由兩星期至兩個月左右時間。另外提提客人，喺疫情之下，時不時會出現碼頭擠塞、貨船濟留嘅情況，最好做定兩手準備。
但您會發現唔少公司預嘅時間會更長，咁係因為主打海外運輸嘅公司會定期有固定數量嘅貨櫃寄走，因此費用會平啲，但客人嘅物品會有較長嘅等待時間。高永明白移民嘅客人需要更好嘅時間配合，因此我哋會立即處理每一個個案，絕不等貨，並全力配合客戶嘅移民行程安排。客人喺確認安排服務後，就會知道最快船期，包括開船日期及預計到達時間，同時每位客人嘅貨物都會獨立包好，杜絕個別貨物遺失嘅情況發生。
想知道更多關於移民搬屋嘅資訊？記得留意我哋嘅Facebook同Instagram啦！
-------
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)