香港地價高租金貴，好多人都會選擇租住租金較平嘅唐樓，近年亦多咗人買唐樓嚟做投資，甚至等收購賺錢。無論您係邊種都好，只要您係準備入住唐樓嘅，就要注意以下呢幾點啦！
唐樓樓梯多 絕大部份唐樓都係得樓梯，只有少量唐樓有升降機。由於樓齡同設計問題，唐樓嘅樓梯多數都比較窄，如果住得高嘅上落都唔太方便。除咗影響生活之外，搬屋更加係一個大問題。搬屋公司會根據您住嘅樓層嚟徵收搬樓梯嘅費用，即係話住得越高就收得越貴，而且要搬大型家私電器上落樓梯，樓梯唔夠闊嘅話就要拆開佢，到時又唔搵搬屋公司都唔得啦！
注意電流及寬頻
香港嘅一般住宅單位供電最少有60A電流量，但舊唐樓可能只有30A。如果同時間開住一啲大型電器嘅話，可能會出現電流量不足嘅問題。您可以選擇同電力公司申請增加供電流量。
而大部份唐樓都係冇得光纖入屋，近年就有寬頻公司推出唐樓免安裝嘅5G家居服務，唐樓嘅上網速度終於可以改善，但要注意嘅係呢啲服務覆唔覆蓋到您居住嘅樓宇。
留意潛建物 舊式唐樓好多時都會有潛建，如果屋宇署向單位發出僭建清拆令時，業主就一定要清拆潛建物。一般嘅僭建物有露台、簷篷、天台屋等，但如果咁啱您住緊嘅單位都係潛建物嘅話，分分鐘唔可以再住添！所以租唐樓時一定要做好查冊，查清楚自己嘅單位屬唔屬於潛建物。
唐樓雖然樓齡高，唔方便，又殘舊，但好處係樓底高，租金平，一定滿足到啱少人嘅需要㗎啦，只要您做足準備，檢查清楚，就算住唐樓都唔需要擔心啦！
想知道更多關於搬屋/搬office嘅資訊？記得留意我哋嘅Facebook同Instagram啦！ ------ 【高永搬屋教室-課題重溫】 一般人對搬屋公司嘅3大誤解 https://bit.ly/2SWTCLG 移民搬屋3大貼士 https://bit.ly/3iYQV7c ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp) #高永搬屋 #GoingMoving #高永教室 #搬屋 #搬運 #搬屋公司 #搬運公司 #搬寫字樓 #搬屋報價 #搬屋紙箱 #搬家私 #搬琴 #搬雪櫃 #搬屋教學 #搬屋問題 #搬屋收費 #搬屋價錢 #搬屋吉日 #搬唐樓 #搬村屋 #搬屋貼士 #搬Office #搬辦公室 #租唐樓 #住唐樓 #唐樓潛建 #唐樓搬屋