上星期提到，當大家接到搬Office嘅任務，應該點搵搬屋公司報價以及應該點揀搬屋公司。除咗以上兩個入門級問題，相信好多人都仲係會有好多疑問，例如「真係唔識計雜物要幾多紙箱喎，預多咗公司咪蝕錢？」、「咁大部機佢哋搬唔搬到㗎？」、「部機唔撞得㗎佢哋有冇咩保護措施？」…今日高生就會同您分享一吓，作為一間搬屋公司，會點樣處理大眾眼中「搬辦公室三大難搞物品」。
搬Office三大難題：無限雜物
由報價開始，「紙箱」就已經係好多客人嘅地雷，例如好怕預計錯有幾多箱雜物、唔知邊啲物品要放入箱，甚至係收到紙箱Pack完之後，見到一式一樣嘅紙箱，唔知邊個打邊個，搬完又唔知喺邊到Unpack起好…唔駛驚！其實高生嘅報價方式係好完善㗎，我哋絕對明白「預計」總會有出入，所以會喺報價時寫明雜物多出嘅額外收費，如果係預多咗，搬運日前48小時話俾高生知，都會適當地幫您調整返價錢㗎。至於究竟邊啲物品係需要放入紙箱，簡單嚟講就係放得入箱嘅都要放，放唔入嘅就話聲俾我哋知，到時師傅處理；經常有客人問，櫃桶內嘅物品可唔可以照放喺入面一齊搬呀？答案係視乎款式，只不過櫃內負重咁搬運，無論係個櫃本身定係櫃內物品，損壞嘅機會都一定比吉櫃咁搬高，所以最好都係花少少心機執入紙箱，咁就唔駛擔驚受怕啦。高生知道公司搬起上嚟，文件雜物可以有成幾百箱，所以我哋可以提供自家設計嘅Label貼紙，等您可以好好分類嘅同時，亦可以寫低物主係邊個、搬去邊個部門、箱內有咩物品等等嘅資訊，有需要嘅話客人可以提供埋Floor Plan，咁就唔會對住堆紙箱懷疑人生啦！
搬Office三大難題：形形色色影印機
為咗質素同效率，大部分辦公室都會選擇用直立式、座地嘅影印機，取代一般小型桌上打印機。赤手空拳嘅同事們面對咁大型嘅機器當然無從入手啦，但對專業嘅搬屋師傅嚟講，要搬呢款機難度並唔高，除咗要注意通常電器嘅轆都好容易爛、經唔起遠路程嘅推拉運送，所以最常用嘅做法係先用保護氈包住部機，然後用瓦通紙或紙皮連埋轆咁墊底，由機身到機底都做好保護之後，就可以直接將成部影印機放上板車運走喇。如果係廣告、設計甚至係出版界嘅公司，甚至會有一款橫身打印機，方便用嚟印大型海報嘅，由於佢係橫身設計，未必夠闊度出到門口及入到𨋢，師傅有可能要將部機打直咁搬出搬入，咁就有機會會出現滲墨或者漏墨嘅情況，不過只要同事提早幫手做一小個步驟就可以解決問題，就係喺打印機嘅設定到較好清理程序喇。雖然師傅會有足夠嘅信心同經驗先幫您進行搬運，但費用都會因應搬運物品同搬運流程嘅複雜程度而有所調整，所以最方便同最無後顧之憂嘅做法，當然都係搵返機件嘅原廠公司幫您啦。
搬Office三大難題：個別大型機器／物品
如果係以生產為主嘅公司，要搬Office嘅時候，當然唔少得要搬埋「生財工具」，常見嘅例如係商用雪櫃、絞肉機、巨大模型公仔等，雖然佢哋體積大，但只要做好保護、小心搬運，好少機會會出現問題。而高永開業至今，要數搬過最大型嘅物品，應該係藥品廠嘅實驗儀器，客人有特別交代，儀器一旦受到碰撞就會失靈，需要有硬殼保護，所以高生就特別度身咗一個Fit Size同穩陣嘅木箱俾佢，然後再用吊車運上去，同時幫客人買埋保險，確保萬無一失。又記得有一次，另一位客人需要搬運多部夾公仔機去商場舖頭，由於機身太大入唔到𨋢，商場地形限制亦都無辦法用吊運嘅方式，只可以選擇用樓梯搬運呢個方法，最常見嘅做法係直接綁繩、人手「八人大橋」搬上去，但如果中途有任何一位師傅出現狀況，就會有機會造成機件損壞、樓梯被撞崩，甚至係無情力整親其他師傅等情況，為咗大家都搬得安心同放心，高生最後決定用「搭橋板」呢個方法，即係用厚木板舖喺樓梯上面，變成一條斜坡咁，再將已經做好基本包裝保護嘅公仔機綁好，然後用「頭拉尾推」嘅方式將部機運上樓，當然客人嘅物品同商場嘅樓梯都完好無缺啦。所以無論您嘅搬運物品有幾「難搬」，搬運環境有幾複雜，高永團隊都會幫您制定最合適您嘅搬運方案。
知道咗原來更難搬嘅物品，專業嘅搬屋師傅都總會有辦法幫您處理好之後，咁就唔駛擔驚受怕喇。不過意外總係意料之外，如果您嘅公司係有特別考量，我哋都可以額外為客人購買搬運保險㗎。只要我哋清楚了解到您嘅需要、有足夠嘅溝通，搬屋定搬辦公室都唔係一件難以控制嘅事。
想知道更多關於搬屋/搬office嘅資訊？記得留意我哋嘅Facebook同Instagram啦！
-------
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)