每一、兩年搬一次屋，每次都用新紙箱好似唔環保…所以有啲人搬屋果陣會用返啲舊紙箱，但係咪全部舊紙箱都用得？用舊紙箱會有咩問題出現？紙箱都有分種類？
瓦楞纸 絕大部份嘅紙箱都係由瓦楞纸去製成，好處就係有一定硬度、容易裁剪、成本較平、方便印刷及上色等。壞處就係表面較易被刮花、忌水、易發霉等。
紙箱構造 一般紙箱分有4種類型，分別係E坑、單坑、雙坑同埋三坑。紙箱嘅每一面都係由「面紙」同「浪紙」黏合而成，浪紙嘅大細同層數就決定咗紙箱嘅厚度同硬度。E坑即係單層幼坑(約1.5mm厚)一般係用嚟做內層間隔用。而普通單坑嘅浪紙較粗(約3-5mm厚)，一般單坑紙箱已經可以用作搬屋同裝水果等。而雙坑故名思義就係有兩層浪紙(約8mm厚)，較單坑多一層浪紙，保護性更強，用作大型商品同需要防撞嘅物品。至於三坑即係有3層浪紙，一般情況下比較少見，可以用嚟搬五金等重物。
搬屋用紙箱 其實一般單坑或雙坑紙箱都可以用嚟搬屋，標準嘅搬屋用紙箱大概係21x14x15吋(54x35x38cm)，絕大部份家居雜物都可以裝得落。要留意嘅係每個箱嘅最高承重量係15-25kg，太重嘅話有機會令紙箱爆開，同時亦有機會整傷搬運者嘅腰骨。
搬屋師傅會用板車將若干個紙箱砌好，然後再一車推走。如果紙箱硬度唔夠，又或者係用一啲二手而且發霉/濕過水嘅紙箱做底，好大機會承受唔到重量而塌咗，上面其他箱都會有危險。所以揀二手紙箱時要睇吓佢哋夠唔夠企身、有冇濕過同發霉等。順帶一提，高永搬屋用嘅都係全新、非二手嘅紙箱，質素絕對有保證！
如果您有更大更重嘅雜物要搬，可以事先同搬屋公司要求訂製特別保護箱，寧願俾多少少錢都唔好整爛自己心愛嘅物品！至於您想環保啲嘅話，亦可以問吓搬屋公司有冇可重用嘅箱，例如我哋高永搬屋自製嘅環保防水箱，防水又可重用，減少對環境嘅破壞！
想知道更多關於搬屋/搬office嘅資訊？記得留意我哋嘅Facebook同Instagram啦！ ------⠀ 【高永搬屋教室-課題重溫】⠀ 一般人對搬屋公司嘅3大誤解 https://bit.ly/2SWTCLG 移民搬屋3大貼士 https://bit.ly/3iYQV7c -------⠀ 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)⠀ #高永搬屋 #GoingMoving #高永教室 #搬屋 #搬運 #搬屋公司 #搬運公司 #搬寫字樓 #搬屋報價 #搬屋紙箱 #搬家私 #搬琴 #搬雪櫃 #搬屋教學 #搬屋問題 #搬屋紙箱 #二手紙箱 #紙皮箱 #瓦楞纸 #防水箱