每一、兩年搬一次屋，每次都用新紙箱好似唔環保，而且好多嘢都係留個紀念，根本就唔會開箱，所以有啲客人搬完之後，會留返啲紙箱下次搬屋嘅時候再重用。不過，又係咪所有舊紙箱都適合再搬多次屋呢？要解答呢個問題，首先要了解紙箱嘅構造。
紙箱物料：瓦楞纸
絕大部份嘅紙箱都係由瓦楞纸去製成，好處就係有一定硬度、容易裁剪、成本較平、方便印刷及上色等。壞處就係表面較易被刮花、忌水、易發霉等。
紙箱構造：「面紙」及「浪紙」決定厚度
一般紙箱分4種類型，分別係E坑、單坑、雙坑同埋三坑。紙箱嘅每一面都係由「面紙」同「浪紙」黏合而成，浪紙嘅大細同層數就決定咗紙箱嘅厚度同硬度。E坑即係單層幼坑（約1.5mm厚）一般係用嚟做內層間隔用。而普通單坑嘅浪紙較粗（約3-5mm厚），一般單坑紙箱已經可以用作搬屋同裝水果等。而雙坑顧名思義就係有兩層浪紙（約8mm厚），較單坑多一層浪紙，保護性更強，用作大型商品同需要防撞嘅物品。至於三坑即係有3層浪紙，一般情況下比較少見，可以用嚟搬五金等重物。
搬屋用咩紙箱？
普通嘅雙坑紙箱都已可以用嚟搬屋，紙廠出產嘅標準搬屋用紙箱大概係21x14x15吋（54x35x38cm），俗稱生果箱，大部份家居雜物都可以裝得落，當然有啲公司會用其他呎吋嘅紙箱。要留意嘅係一個紙箱唔降議放超過25kg嘅物品，因為太重嘅話有機會令紙箱爆開／穿，同時亦有機會整傷搬運者，安全搬運係我哋第一嘅考慮，但係客人都唔需要話逐箱拎去磅重，只要自己都唔太困難搬得起，基本上都冇問題。
用二手紙箱好唔好？
唔少客人會為咗慳錢同環保而選擇用二手／舊紙箱，其實循環使用係一件好值得鼓勵嘅事，但如果係用作搬運用途，用舊紙箱前需要檢查清楚紙箱本身有冇發霉、夠唔夠硬身等等，因為香港天氣較為潮濕，特別係春天呢個時間，而住得較為迎海／山上的客人都要留意，紙箱好易受濕。搬運期間，師傅會用板車將若干個紙箱砌好，然後再一車推走。如果紙箱硬度唔夠，好大機會承受唔到重量而扁塌，又或者紙箱受潮出霉菌，箱入面嘅物品及其他箱都有受影響嘅風險。所以雖然成本較高（特別係而家受到中港運輸受阻影響，紙箱成本大幅上升），但係高永搬屋都係堅持用全新紙箱，唔用二手紙箱，無論喺衛生標準，定質量上都絕對有保證！
高永特設防水環保膠箱
如果您想環保啲嘅話，亦可以問吓搬屋公司有冇可重用嘅箱，又或者使用我哋高永搬屋嘅全packing雜物代裝拆箱服務，我哋會用自製嘅防水環保膠箱，防水又可重用，減少對環境嘅破壞，仲可以安坐家中，就有專業嘅同事代你包裝入箱，唔駛煩就可以輕鬆搬屋。
另外都提提您，如果您自行裝箱嘅物品，正常情況下搬屋公司都唔會再打開檢查／幫您即場重新換紙箱，如果係因為客人勉強將物品塞入箱，最後物品受損嘅話，客人需要自行承擔責任㗎，有需要就隨時向搬屋公司查詢啦！
想知道更多關於搬屋/搬office嘅資訊？記得留意我哋嘅Facebook同Instagram啦！
-------⠀
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)⠀
#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #海外搬遷 #存倉 #搬屋吉日 #公眾假期 #復活節 #紙箱 #包裝物料 #執屋 #搬運 #搬屋報價 #立即報價