呢個問題係冇標準答案㗎！心水清嘅您應該都會知道，唔同搬屋公司有唔同嘅收費模式，例如逐件計、按車數計，或者好似我哋高永咁，需要評估綜合因素（新舊址大廈搬運情況、搬運家私/雜物種類及數量等），無論係按以上邊種模式，都唔太可能按客人所講嘅「正常情況」/「正常_人家庭」/「正常_呎屋企」就報到價錢俾您，如果有，都一定係是但講個數，根本冇參考價值，隨時仲有臨場加價嘅風險。原因好簡單：
搬屋收費準則一：屋企呎數同搬運內容並無絕對關係
試想像一下，一個獨居、屋企200呎嘅客人係一位收藏家，剩係雜物都需要搬80箱；另一個一家四口、屋企800呎嘅家庭，對佢哋嚟講搬屋就係斷捨離，最後只係需要搬30箱雜物。所以好多時候客人問我哋要預幾多紙箱先足夠，我哋都只能夠睇相/睇片再去粗略估計，始終實際要搬幾多嘢，只有客人自己先最清楚。
搬屋收費準則二：林林總總的家私款式
就算係常見嘅家私，唔同款式都會有唔同嘅處理手法，例如梳化，A客人同B客人都要搬梳化，但分別係電動款式及布藝款式，由於電動及有彈鉸嘅梳化大多數都要拆裝先出到門口，處理拆裝嘅時間及功夫都會影響整體搬運價錢；又例如C客人同D客人都想搬電視，一部係平面，另一部係曲面電視，後者嘅設計結構比較脆弱，遇到外力受壓或碰撞嘅話，屏幕會較易受損，所以師傅需要做更多保護措施同用特別嘅處理手法去搬運，情況複雜咗，費用自然較貴。
搬屋收費準則三：大廈情況影響搬運成本
雖然高永搬過大大小小唔同類型嘅樓宇，但都會不厭其煩問清楚客人新舊址大廈嘅搬運情況，例如大堂有冇梯級、駛唔駛平台轉電梯、距離貨車停泊位要唔要推遠路等，因為以上因素都會影響搬運團隊嘅對物品嘅處理方法，亦會影響整體嘅搬運時間，呢啲成本搬屋公司都會計算喺報價入面。
高永搬屋一直以真誠嘅態度對待每一個報價，過程中可能會不斷問客人問題，為嘅只係想取得足夠清晰嘅資料，避免因為溝通不完整而產生誤會，如果唔係到最後搬運現場發生咩問題，大家都會唔開心。同樣地，如果客人有咩唔清楚，高永都會盡力解答，希望大家都有一個愉快舒適嘅搬屋體驗。
想知道更多關於搬屋/搬office嘅資訊？記得留意我哋嘅Facebook同Instagram啦！ ------- 高永搬屋官方網站：https://www.goingmovinghk.com/ 線上報價/查詢：http://bit.ly/goingmoving / +852 5595 7455 (Whatsapp)