好多客人都會擔心，喺搬屋當日聽到搬屋公司話要加收價錢，究竟要點做先可以避免呢種情況發生？
搬屋報價要知啲乜：大廈名稱
首先要同搬屋公司講新舊址嘅大廈名稱，千祈唔好剩係講由邊區搬去邊區，因為即使係同一區，每個屋苑或者每橦大廈嘅搬運情況都唔一樣，例如有冇梯級、駛唔駛推遠路、係唔係斜坡停泊等資訊都有機會影響搬運成本同最終報價。報價嘅時候唔駛俾完整地址住，需要安排送紙箱及落實預約搬運先提供埋幾樓幾室，咁就唔駛擔心私隱問題啦！
搬屋報價要知啲乜：家電清單
列出需要搬運嘅物品清單及數量，例如雙人床、三座位梳化之類，有啲客人會好細心量度好晒每件家私嘅呎吋，但更方便快捷嘅做法係影相Send俾我哋，咁就可以好似上門報價咁，睇清楚每件物品嘅大小同類型，亦都有照片有文字咁記錄到報價嘅內容，避免因為溝通失誤而發生不愉快嘅情況。
搬屋報價要知啲乜：雜物數量
一般搬屋公司都會提供紙箱俾客人，紙箱大細同種類都有好多，而最標準嘅搬屋用紙箱，呎吋大約係21x14x15吋（54x35x38cm）。客人需要根據自己嘅雜物數量同紙箱大細去預計所需要嘅紙箱數量，當然亦都可以自己準備紙箱或紅白籃袋，只需要話返俾搬屋公司知自備包裝物料嘅呎吋同數量就可以。
往往好多報價上嘅爭拗都源於雙方溝通不足/未能及時俾對方知道自己嘅需要。高永一直致力以真誠理性嘅態度與客人溝通，同時鼓勵客人由查詢報價到整個搬運流程，有咩需要都可以即時同我哋聯絡，希望可以協助客人有更好嘅搬屋體驗。
-------
🚚高永搬屋官方網站：http://bit.ly/32HNqeO
🖼高永搬屋instagram：http://bit.ly/2V0dlwx
📲線上報價/查詢：http://bit.ly/goingmoving / +852 5595 7455 (Whatsapp)