如果真係要比嘅話，紅白藍袋同紙箱算係各有千秋，不過搬屋公司點解會建議客人用紙箱多啲呢？我哋今日就用容量/承重量同埋保護性方面同大家分析一吓。
容量及承重量
首先講容量同埋承重量先，正常size嘅紅白藍袋比一個紙箱裝多至少1.5倍嘅嘢。至於承重方面，一個紙箱就最多裝到25-30kg嘅物件，而紅白藍當然都可以，但係因為佢係一個袋嘅形狀，相比起紙箱會更加難搬運，而且紅白藍袋嘅手挽係就咁車上去，裝得太重嘅話好容易爆。
要注意嘅係紙箱太重嘅話，除咗會因為承受唔到而爆開外，亦有可能整傷搬運者嘅腰椎！
保護性
至於保護性嚟講，紙箱一定比紅白藍袋好。紅白藍袋嘅質地太薄，喺搬運過程有較大機會撞到或者刮花入面嘅物件。而紙箱係一個長方體，只要有技巧地入箱，搬起上嚟入面啲物件就唔會郁嚟郁去。師傅喺搬屋嗰陣會將一個個紙箱放上板車推走，但紅白藍袋就因為外形嘅問題唔能夠放太多個上板車，所以用紙箱係可以減低碰撞機會之餘亦都會令成個搬運過程更順暢。而其實紙箱都有分唔同類型，如果一般搬屋用嘅紙箱，最起身要係單坑粗坑先夠承托力，如果再重啲金屬嘅物件，更有機會用到三坑箱添！
二手紙箱
唔少人會為咗慳錢同環保而選擇用二手/舊紙箱，其實循環使用係一件好值得鼓勵嘅事，但用舊紙箱時都要檢查清楚紙箱本身有冇發霉、夠唔夠硬身等等！因為如果個紙箱硬度唔夠，好大機會承受唔到重量而塌咗，箱入面嘅物品及其他箱都會受影響，到時得不償失就唔好啦！
大部份搬屋公司都會提供紙箱畀客人，而我哋高永搬屋除咗有全新搬屋紙箱外，仲有特製嘅防水箱同掛衣箱添！而紅白藍袋仲要成十幾廿蚊個，精明嘅您一定識點揀嘅！
想知道更多關於搬屋/搬office嘅資訊？記得留意我哋嘅Facebook同Instagram啦！
------⠀
【高永搬屋教室-課題重溫】
高永周年慶！十一月搬屋減$200！ https://bit.ly/3lxHdL2
紙箱都有咁多種？搬屋紙箱大解構！ https://bit.ly/34UWEH8
------- 🚚高永搬屋官方網站：http://bit.ly/32HNqeO 🖼高永搬屋instagram：http://bit.ly/2V0dlwx 📲線上報價/查詢：http://bit.ly/goingmoving / +852 5595 7455 (Whatsapp) #高永搬屋 #GoingMoving #高永教室 #搬屋 #搬運 #搬屋公司 #搬運公司 #搬寫字樓 #搬屋報價 #搬屋紙箱 #搬家私 #搬琴 #搬雪櫃 #搬屋教學 #搬屋問題 #搬屋收費 #搬屋價錢 #搬屋吉日 #搬唐樓 #搬村屋 #搬屋貼士 #搬屋優惠 #搬屋減價 #搬屋減200 #周年優惠 #周年減價 #紙箱 #封箱膠紙 #搬屋紙箱 #紅白藍