「搬屋？自己搵幾個大隻佬朋友幫手咪得囉！」好多人準備搬屋時都係咁諗，但往往最後先發現就算有幾多個大隻佬幫手都未必搞得掂，搵搬屋公司時先知原來搬屋公司原來係咁方便，今日同大家講吓搵搬屋公司好過自己搬嘅3大原因。
搬屋費用 唔少人一聽到搬屋公司時都會覺得搬屋公司收得好貴，不過如果您有大型電器、家私要搬走，Call Van要俾嘅錢都唔少。加上自己搬有機會撞爛或撞花啲家私電器，隨時要俾錢維修，甚至買過新嘅就真係得不償失！
反而搬屋公司會以您嘅家私電器類型及大小、雜物數量等一次過計條數俾您，而且亦會幫您搬到新居指定位置添。收費就視乎您需要搬運嘅物品數量同服務而定，搵多幾間搬屋公司報價，總有一間啱您心水！
家私裝拆 搬屋公司最有價值嘅地方就係幫您處理哂所有有關搬運嘅問題。其中一個最常見嘅服務就係家私裝拆，假設您嘅家私太大，出唔到門口、走廊、𨋢等地方時就需要裝拆。一般人未必識裝拆，尤其係一啲複雜嘅梳化、衣櫃等，即使您拆到都未必識裝返，到時候都係要搵人幫手。而好多搬屋公司嘅師傅都有大量家私裝拆嘅經驗，幾乎冇咩家私可以難到佢哋！
搬屋效率 如果您有用過搬屋公司嘅服務就知道，師傅搬屋嘅速度係快到您想像唔到。原因係搬屋公司喺報價時已經大概知道您嘅舊居狀況，加埋師傅上門後嘅判斷，一般家庭都可以喺兩個半鐘內將所有嘢搬到新居而且安放喺指定位置。相反，如果您自己搬嘅話可能要分幾日，逐啲逐啲搬過去，咁樣實在浪費太多時間。
如果屋企冇咩家私要搬走，時間又允許嘅，自己搬屋固然係一個慳錢嘅方法，如果唔係嘅話，建議您先搵幾間搬屋公司問吓價，了解吓佢哋嘅服務，實有一間滿足到您嘅需要！
想知道更多關於搬屋/搬office嘅資訊？記得留意我哋嘅Facebook同Instagram啦！ ------ 【高永搬屋教室-課題重溫】 一般人對搬屋公司嘅3大誤解 https://bit.ly/2SWTCLG 移民搬屋3大貼士 https://bit.ly/3iYQV7c ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp) #高永搬屋 #GoingMoving #高永教室 #搬屋 #搬運 #搬屋公司 #搬運公司 #搬寫字樓 #搬屋報價 #搬屋紙箱 #搬家私 #搬琴 #搬雪櫃 #搬屋教學 #搬屋問題 #搬屋收費 #搬屋價錢 #搬屋吉日 #搬唐樓 #搬村屋 #搬屋貼士 #家私裝拆 #家私搬運 #搬屋服務 #搬屋比較