今年夏天比較少打風，搬屋都順利好多。點知踏入十月尾十一月，又無啦啦連續幾個風打過落，究竟打風落雨對搬屋有咩影響呢？8號風球同黑雨又有咩搬屋安排呢？
一般颱風及暴雨警告
呢啲情況基本上係可以搬屋嘅。但呢啲天氣多數都會落雨，而無論係電器、家私、紙箱等都唔可以濕水，所以搬屋公司會為您嘅物件作多重保護，例如會為紙箱包更多綑膜(覆蓋哂成個紙箱)，以防喺露天搬運濕水，而我哋亦都建議客人預先將濕得水嘅物件包好，或者用我哋提供嘅防水箱以策安全。
惡劣天氣
如果係紅雨、8號風球或以上嘅話，我哋都會建議客人改期。因為喺呢啲惡劣天氣下工作，會影響到路面情況、閣下嘅貨物、以至搬屋師傅嘅安全，而且喺呢類惡劣天氣下搬屋而又有損失嘅話，一般保險公司係唔會作出賠償！
但如果客人必需喺當日搬嘅話，我哋會衡量返天氣同安全等因素，選擇喺較合適嘅時段搬，但係費用就會有所調整，始終人手嘅需求、搬運成本等會增加。
特殊情況
上面講到，一般情況下，1、3號風球同黃雨都可以搬屋，但如果您嘅新址或舊址係村屋，而且出入口都有水浸、山泥傾瀉等問題出現嘅話，搬屋公司都會視乎情況決定，因為貨車入唔到嚟，而搬運您嘅物品時亦有一定風險，所以亦會建議您更改日子。雖然打風/暴雨有可能會打亂大家嘅計劃，但都唔需要過份擔心，我哋會同您保持溝通，靈活應變以滿足您嘅需求！
所以揀搬屋日子時一定要預鬆少少，又或者喺搬屋前幾日多加留意天氣情況，有咩需要即刻搵搬屋公司幫手！太遲通知嘅話搬屋公司都未必俾到您最啱心水嘅日子。提提大家，天文台話今個星期五、六又有機會打風，預約咗搬屋服務嘅客人記得留意住天氣情況，有需要隨時同我哋聯絡！
想知道更多關於搬屋/搬office嘅資訊？記得留意我哋嘅Facebook同Instagram啦！
------
【📚高永搬屋教室-課題重溫】⠀
紙箱都有咁多種？搬屋紙箱大解構！ https://bit.ly/34UWEH8
BNO移民英國最新懶人包 https://bit.ly/388nHRk
-------
🚚高永搬屋官方網站：http://bit.ly/32HNqeO
🖼️高永搬屋Instagram：http://bit.ly/2V0dlwx
📲線上報價/查詢：http://bit.ly/goingmoving / +852 5595 7455 (Whatsapp)⠀