農曆新年就快到，雖然今年情況特別，好多人都唔敢出門拜年，但留喺屋企都有好多嘢做可以應下節嘅！其中一樣必做嘅就梗係大掃除，執靚間屋啦！每次執屋都總會發現有啲嘢係冇用過或者唔知自己原來有買過嘅，但又唔捨得掉咗佢！其實如果您係唔需要嗰樣嘢嘅話，不如捐咗佢或者送俾人，慳返啲位之餘又幫到人，何樂而不為呢？
1.著唔到/唔會再著嘅衣物
近年流行網購，越嚟越多人鍾意上網買衫。有時候會比啲假相呃咗，或者冇睇size，買完返嚟先發覺自己唔啱著、實物原來唔好睇嘅大有人在，通常佢哋嘅處理方法都係就咁擺埋一邊就算！除此之外，一啲鬆咗、得返一隻嘅襪，通通都可以掉咗佢！與其擺啲舊衫喺度，不如留返啲位放新衫！
2.贈品
有邊個唔會貪小便宜！成日行街/買嘢時候都會收到好多小型贈品、紀念品、試用裝等，擺低喺屋企就冇用過，搞到越積越多，過咗期都唔知！呢個時候不妨狠心啲，用得就用咗佢，唔用得嘅全部掉哂佢！
3.用唔著嘅廚具/餐具
明明屋企得4個人，但又唔知點解有成10幾套餐具，平底鍋都有幾個？係咪平時貪平貪靚買嘅，點知買到返嚟又唔捨得用？其實廚具都有壽命，有啲用一兩年可能就要換，唔係嘅話有機會釋放致癌物，從而影響到身體健康！與其留咁多碗碗碟碟喺屋企，不如捐埋有需要嘅人仲好！
4.舊書舊雜誌
書係用嚟睇嘅，睇完擺喺度又唔會再睇返，搞到封哂塵又有乜意思呢？有時幫啲客搬屋時會發現佢哋啲茶几總係會擺幾本舊雜誌/報紙喺度，其實八卦雜誌睇完一次就算，過一段時間乜都outdate哂啦，留係度都冇價值，掉得！
5.舊樂器
讀書嗰陣覺得彈結他好型，買咗返嚟又冇心機學，結果擺埋一邊就算？唔洗怕喎，呢啲事好平常，您知我知單眼佬都知！唔洗怕醜，一係您就拎返出嚟玩，一係就送比有心人，幫個樂器搵返個知音人仲好啦！
執屋唔淨止係新年先做嘅嘢嚟，如果平時養成執屋嘅習慣，搬屋嘅時候都事半功倍啦！斷捨離其實唔難，要下定決心先難！所以趁新年就到，快啲開始咗第一步先啦！
想知道更多關於搬屋/搬office嘅資訊？記得留意我哋嘅Facebook同Instagram啦！
------
【📚高永搬屋教室-課題重溫】
BNO移民英國最新懶人包 https://bit.ly/388nHRk
紙箱都有咁多種？搬屋紙箱大解構！ https://bit.ly/34UWEH8
-------
🚚高永搬屋官方網站：http://bit.ly/32HNqeO
🖼️高永搬屋Instagram：http://bit.ly/2V0dlwx
📲線上報價/查詢：http://bit.ly/goingmoving / +852 5595 7455 (Whatsapp)⠀