【移民澳洲】一文了解澳洲技術移民政策


移民澳洲

上星期同大家介紹過澳洲嘅「避風港」移民政策,如果唔係受惠於政策範圍內嘅都唔需要擔心,其實澳洲政府每年都會為各州及領地提供技術移民配額數量,然後各州就會根據配額發出簽證擔保。喺今年三月當地就公布咗澳洲聯邦財政預算案,喺移民政策方面,2022-23年嘅永久居民配額為16萬個,技術類及家庭類移民配額比例約為2:1,而技術類移民配額更比以往多約3萬個(即增加到109,900個),所以我哋今日就嚟講吓點樣透過技術移民簽證(Skilled Visa)移居澳洲啦!

首先,一齊嚟了解吓澳洲移民嘅相關術語先:

1. EOI, Expression Of Interest 申請意向書

如果申請人唔係由僱主提名或擔保,喺申請技術簽證之前,須要向澳洲政府提交呢份意向書及其他所需文件,再等當地政府篩選,獲得邀請後再提交簽證申請。

2. SkillSelect

係EOI系統中嘅計分標準,會按照申請人嘅工作經驗、資歷、英語能力及家庭組合作出評分,用嚟評核申請合唔合格。由於呢個系統需要申請移民嘅時候先可以登記使用,如果唔肯定自己嘅得分,可以先用澳洲政府提供嘅簽證計分機初步計算一吓。 https://immi.homeaffairs.gov.au/....../points-calculator


獨立技術簽證(189)

申請條件: 1. SkillSelect達到65分或以上,獲當局邀請後可申請簽證 2. 年齡為45歲以下 3. 職業屬中長期技術清單範圍內,並符合當局技術評估 4. IELTS 讀寫聽說達6分或以上


技術提名簽證(190)

申請條件: 1. SkillSelect達到65分或以上,獲當局邀請後可申請簽證 2. 年齡為45歲以下 3. 職業屬短期技術清單 / 中長期技術清單範圍內,並符合當局技術評估 4. IELTS 讀寫聽說達6分或以上 5. 獨得州或地區政府機構作提名人


技術工作區域(臨時)簽證(491)

申請條件: 1. 需獲州或領地政府機構提名,或由符合條件嘅親屬作擔保 2. SkillSelect達到65分或以上,獲當局邀請後可申請簽證 3. 年齡為45歲以下 4. 職業屬短期技術清單 / 中長期技術清單 / 偏遠地區技術清單內,並符合當局技術評估 5. IELTS 讀寫聽說達6分或以上 6. 由身為澳洲公民 / 永久居民,並長期居於偏遠地區嘅直系親屬或近親作擔保人;或獨得州或地區政府機構作提名人 7. 只能夠喺指定偏遠地區定居及工作,可更換僱主 8. 簽證期屆滿後唔可以續簽,只可以轉為申請其他簽證 *偏遠地區指除咗悉尼、墨爾本及布里斯本以外地區 *獲發491簽證起計三年後,就可以透過技術區域簽證(191)申請永久居留,詳情請閱上星期嘅【移民澳洲】一文了解澳洲避風港政策

申請費用: 以上三個簽證都係AUD$4,115

參考返2020至21年度技術移民配額結果,其中有三類行業獲發最多配額,分別係註冊護士、工程師及IT人員,以上都係澳洲勞工市場中較為短缺嘅職業。

當然除咗技術移民,都仲有其他地方都會有嘅投資移民、創業移民、配偶簽證及人才獨立簽証等方法移居澳洲啦,不過相對上門檻比較高,條件亦較繁複,高生就唔係到多講喇。無論係用邊種方式都好,最緊要做足準備功夫,咁就萬無一失啦!


想知道更多關於移民/搬屋嘅資訊,記得Follow我哋嘅Facebook同Instagram啦! -------⠀ 高永搬屋官方網站:http://bit.ly/32HNqeO 高永搬屋Instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)⠀

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #移民澳洲