【移民愛爾蘭】一文解構愛爾蘭移民政策


移民愛爾蘭

愛爾蘭毗鄰英國,曾經被世界衞生組織(WHO)、聯合國兒童基金會(UNICEF)及刺針委員會(Lancet Commission)評論為「最佳養育下一代」嘅國家,而且無論係語言、教育制度、醫療保障以至生活文化,都同英國好相似,加上移民門檻比英國低,亦無須坐「移民監」,每年只需要入境及居住喺愛爾蘭一日就可以。而最吸引嘅應該係允許雙重國籍 ,一本愛爾蘭護照等於同時擁有歐盟及英國護照,有全球187個國家的免簽證入境權,所以近年愛爾蘭都成為咗移民熱點。愛爾蘭嘅移民途徑簡單易明,大致上分為技術移民同投資移民兩種,有興趣了解更多嘅朋友我哋一齊睇落去啦。


技術移民(General Employment Permit)

簡單嚟講只要被當地僱主錄取,就可以自行或者由僱主幫您申請工作簽證,續簽滿五年,之後滿足一定條件就可以申期長期居留或者入籍,成為當地公民。 僱主首先要通過市場勞動力需求測試(Labour Market Needs Test),證明未能夠喺愛爾蘭及歐洲經濟區國家中聘請到合適人手,同時,申請人嘅工作年薪須達€30,000歐元(約 $27.2 萬港元)。成功申請嘅話,第一次簽證有效期為兩年,期後可以續簽多三年。不過要注意嘅係,部分職業係唔可以申請工作簽證嘅,例如酒店經理、餐廳經理、地產代理經理、社工、輔導員、健身教練等,詳情請查閱愛爾蘭企業、貿易及就業部門嘅網站清單。 https://bit.ly/3xMkUcX


投資移民(Immigrant Investor Programme ,IIP)

申請人只要年滿18歲,資產淨值達€200萬歐元(約$1,800萬港元),再投資€100萬歐元於當地認可企業或投資項目;或投資€200萬歐元於當地房託,並持有以上項目投資達三年,就可以IIP申請移民愛爾蘭。申請人無須通過語言學歷要求,只須要每年入境及居住喺愛爾蘭一日就可以。最快六個月就可以知道申請結果,而未批核申請前亦無須進行投資。

現時仲有另一種投資移民途徑,就係捐款至藝術、體育、健康、文化或教育領域嘅愛爾蘭公益項目中,如果申請人係以個人名義捐款,金額需達€50萬歐元;企業名義則需達€100萬歐元;如果係以一組五人嘅方式一齊捐款,每人捐€40萬歐元就可以達到捐款要求。呢個係被視為最簡單直接嘅投資方式,免去資金最短投資期三年嘅要求,不過就冇投資回報,而且項目名額有限,需要多加留意。

喺到都順帶一提,自從俄羅斯及烏克蘭衝突後,歐盟各國嘅投資移民政策都受到衝擊,同時歐盟開始對過去接受咗好多俄羅斯投資客嘅移民項目施加壓力,加上歐盟本身一直對黃金簽證項目以及歐盟護照項目過分輕易獲批有所不滿,以上種種,有傳今年七月愛爾蘭嘅投資移民政策都會宣布收緊,不過呢啲都係未經證實嘅消息,而如果您係有意透過呢個方式移民愛爾蘭嘅,目前都係未受影響嘅。


想知道更多關於搬屋/搬office嘅資訊?記得留意我哋嘅Facebook同Instagram啦! ------- 高永搬屋官方網站:http://bit.ly/32HNqeO 高永搬屋instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #移民愛爾蘭