【移民台灣】一文帶您了解五個熱門移台方法


移民台灣


拆解完英國嘅移民攻略,今個星期開始,就嚟到台灣喇,台灣一直係唔少港人心目中嘅理想居住地,可能係語言上容易溝通、文化相近、交通方便,所以感覺份外親切。目前港人申請喺台灣定居嘅途徑主要有投資移民、創業移民、技術移民、升學移民及結婚移民。而針對過往來台工作嘅港人一直只能夠居留、冇辦法申請定居嘅問題,台灣內政部早前就提出「香港澳門居民進入台灣地區及居留定居許可辦法」修正草案,如果正式修例,專業人士或白領階級嘅港人只要喺台灣工作居留滿5年、每年居留時間達183天,而且最後一年月收入達基本工資之兩倍等條件(目前基本工資為:25,250新台幣),一樣可以申請定居並取得台灣身分證。不過目前呢個草案暫時被叫停,喺有新消息之前,我哋就一齊睇返上面提到嘅五種移民方法先啦!


方法一:投資移民

係中產階級人士常見嘅移民方法,不過喺今年三月,台灣經濟部投審會已經提高咗申請門檻,有意揀呢種途徑移民嘅您就要留意返喇。


申請要求

- 由代理人撰寫及向台灣經濟部投資審議委員會提交投資居留計劃書,並獲得審批

- 需要喺台灣投資600萬新台幣(約HK$155萬)以上(喺台灣買樓係唔計入投資範圍)

- 開設有實際業務嘅公司或投資現有台灣公司(特許經營都可以)

- 須營運投資企業至少三年,並委託合資格會計師核數

- 聘用2名以上台籍員工

- 在台連續居住滿一年(年內出境少於30日);或

- 連續居留滿 2 年,每年居住 270 日


喺新規定下,申請者就算成功拎到台灣身分證,都要再持續經營業務兩年,如果期間被抽查唔合格,係有機會被取消留台資格㗎。


方法二:創業移民

呢項係針對有志喺台灣創業嘅港人推出嘅政策。雖然投資金額門檻比投資移民低,但業務性質嘅資格就嚴格好多,亦需要交俾經濟部投資審議委員會審查。


申請要求

- 具備高中以上學歷

- 喺台灣政府認定之國際性募資平台,籌資200萬新台幣(約HK$520,000)以上;或

- 已獲同意進駐政府認定之創新創業園區、經濟部直營、合作或獲得經濟部近三年評鑑優良之育成機構;或

- 已經喺台灣設立符合具創新能力之新創事業認定原則之事業,擔任該事業負責人並投資100萬新台幣(HK$260,000)以上


首次申請居留期間最長為一年,其後仍需達到以下其中一個條件,以獲得每次最多為期兩年嘅居留證:

- 最近一年或最近三年平均年營業收入達300萬元新台幣(HK$775,000)以上;

- 最近一年或最近三年平均年營業費用達100萬新台幣以上;

- 聘僱全職台籍員工3人以上


只要連續居留滿五年,以及每年喺台灣居住超過183日以上,就可以申請入籍台灣。


方法三:技術移民

呢個途徑係為具備專業能力並已取香港政府認可證書嘅港人而設,申請人唔需要喺台灣作出投資,只要符合台灣指定嘅專業人士要求,並滿足在台連續居住日數,就有資格申請。


申請者自身要求(四選一)

- 喺特殊領域之應用工程技術上有成就者,即是對新興工業、關鍵技術、關鍵零組件及產品有專業技能,並具有五年以上廠務或研究發展之實務經驗,且擔任相當於經理以上職務等標準。

- 具有專業技術能力,並已取得香港或澳門政府之執業證書者,包括:律師、會計師、技師、建築師及醫事人,並需要執行該職務二年以上。


- 在學術、科學、 文化、新聞、金融、保險、證券、 期貨、運輸、郵政、電信、氣象或觀光專業領域有特殊成就者。


- 依公司法設立之公司、經認許之外國公司、或經備案之外國公司代表人辦事處聘僱之主管或專門性及技術性人員,如取得國內外大學相關系所之碩士以上學位者,或取得相關系所學士學位而有二年以上相關工作經驗者等。


以上四種類別有唔同嘅審核標準,詳情可以睇返香港澳門專業人士申請在臺灣地區居留資格審核表


方法四:升學移民

對唔少年青人嚟講,呢個途徑可能門檻比較低、較容易滿足到,因為唔講究個人資產,並且有兩種方法:

1.經HF169申請(香港澳門居民申請在臺灣地區居留送件身分代碼)

申請定居要求 - 喺台灣完成大學課程

- 返港工作兩年

- 申請喺當地居留,並提供在港工作證明、在台保證人等資料

- 居留滿1年(1年內可出境30日,出境次數不予限制)或

- 連續居留滿2年且每年在台居住270日以上


2.依照「僑外生留臺工作評點配額制」進行評點以獲准留台工作

申請留台工作要求

- 喺台灣完成大學課程

- 於學歷、薪金、工作經驗、職務資格、華語及外語能力、成長經驗及配合政府產業發展相關政策等8個範疇接受評分

- 分數要達70分以上

- 月薪達38,000元新台幣或以上


申請要求

- 居留台灣至少5年

- 每年在台居住183日或以上

- 喺第5年申請人月薪需有約42,000元新台幣


方法五:結婚移民

不設資產門檻,只要您嘅另一半係持有台灣身分證,並正式喺台灣註冊結婚,按程序遞交證明文件後就可以取得居留權,然後喺台灣連續住滿指定日數,就可以申請喺台灣定居及入籍。要注意嘅係申請者亦需要喺香港申請無結婚紀錄證明書(俗稱:寡佬證)、無犯罪紀錄證明書(良民證)、入台證。


申請要求

- 連續喺台灣居留滿一年,且出境未超過30日

- 連續居留滿兩年,每年喺台灣居住270日以上


最後都提提,我哋高永搬屋都有提供移民台灣嘅搬運服務,時間短、費用平,同移民去其他國家比係幾吸引嘅選擇,大家可以好好考慮吓呀!

想知道更多關於搬屋/搬office嘅資訊?記得留意我哋嘅Facebook同Instagram啦! ------- 高永搬屋官方網站:http://bit.ly/32HNqeO 高永搬屋instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #移民台灣