【搬辦公室攻略】公司搬Office要幫手報價?只需俾齊三項資料就搞掂!


搬office

「Office就嚟要搬,老細叫我搵搬屋公司報價,自己仲有成手嘢未做,一陣有咩差錯隨時要孭飛,壓力好大點算好?」唔駛驚!其實搬Office同自己搬屋一樣,只要報價時比齊以下三種資料,報價清清楚楚,咁就唔怕要孭鑊㗎喇。


1. 列明現址及新址大廈名稱

雖然大部分工廠大廈及商業大廈都有上落貨區同貨𨋢,車場都應該夠高俾搬屋公司用嘅貨車駛入,但以防萬一都要同搬屋公司講清楚新舊址嘅大廈名稱呀,始終有冇梯級、駛唔駛推遠路、係唔係斜坡停泊等資訊都有機會影響搬運成本同最終報價,相信公司財務部都會好關注批出費用會唔會「洗突」嘅問題,如果係因為冇講清楚大廈搬運情況而引致額外收費,咁就大家都難做喇。


2. 提供搬運物品清單及照片

列出需要搬運嘅物品清單及數量。一般家居搬遷嘅話,我哋會鼓勵客人影相Send報價就可以,等我哋可以好似上門報價咁睇清楚每件物品嘅大小同類型,但如果係搬辦公室,其實最好係清單及照片兩樣都有,因為Office唔似屋企家私數量及款式較少,入面好多時都會有一式一樣嘅家私,例如高身文件櫃、L型辦公桌等,如果我哋只係收到一個個櫃/一張張枱嘅相,甚至係好大間Office,得幾張大環境嘅相,我哋都好難即刻點算到一個準確嘅家私數量俾您,最後都係要用文字整理再Send返俾您確實,來來回回就浪費咗好多時間喇。如果客人有需要,高永搬屋亦可以提供免費上門報價服務,不過考慮到要幫公司拎報價應該唔會係剩係搵一間搬屋公司嘅事,為咗方便客人唔駛約幾次同行幾次Tour,我哋都會建議用返線上報價,資料齊全最快可以即日就俾到報價單您,而如果報價大致冇問題,就可以約上嚟再核實價錢及派送包裝物料,咁就萬無一失喇。


3. 預計雜物數量

我哋可以提供嘅標準搬屋用紙箱,呎吋大約係21x14x15吋(54x35x38cm),建議客人可以根據公司需要,預計雜物所需紙箱數量,文件類我哋都係會比較建議使用紙箱搬運,詳情可以參閱【搬屋用紅白藍定紙箱好?】。過往都會有客人有疑惑,唔知點樣預紙箱數量,以一個紙箱嘅容量嚟講,可以大約裝到8-10個Box File,至於確實需要幾多紙箱,可能真係需要客人自行評估,始終櫃內物品有幾多、又有幾多需要搬我哋並冇您咁了解,但放心,我哋可以預先提供較鬆動嘅紙箱數量俾您,而報價單亦會列明雜物多出嘅收費,有用多咗就照計返價錢,比預期少咗提早通知就盡量幫您調整價錢,冇用到嘅紙箱當日退還俾我哋就可以,咁就唔怕唔夠紙箱裝嘢又或者係當日會被亂收費用啦。


最後都提一提背負重任嘅各位,如果公司嘅搬運物品係包括古董、水晶、玻璃飾物等,怕自己搞唔掂,我哋都可以提供專業嘅包裝服務,有需要嘅話,仲可以幫您安排代購保險添㗎!

而如果公司係需要出支票付款又或者係搬完再等財務部結算嘅話,最好就提早同我哋講聲啦,高永搬屋會盡力提供協助,希望大家搬得安心又稱心。


想知道更多關於搬屋/搬office嘅資訊?記得留意我哋嘅Facebook同Instagram啦!

-------

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)


#高永搬屋 #GoingMoving #搬屋公司 #搬運公司 #搬屋 #搬寫字樓 #搬office #移民 #海外搬遷 #存倉 #搬屋吉日 #二手家私 #紙箱 #包裝物料 #執屋 #搬運 #搬屋報價 #立即報價 #搬屋收費