【搬屋教學】五招避免搬屋中伏


搬屋公司

現今網絡資訊發達,如果想搵搬屋公司報價,好多人會即刻用電話上網搵「搬屋公司推介」、「搬屋公司邊間好」、「搬屋公司價錢」、「搬屋公司黑名單」呢啲Keywords,究竟係咪就可以搵到最好嘅搬屋公司呢?

喺現實嘅商業運作之下,各行各業都會有公司肯俾錢宣傳自己,買Likes、買好評,甚至抵毀同行;價錢方面,唔同公司有唔同嘅收費模式,難以單靠價錢高/低而判斷係好定唔好。所以想知一間公司值唔值得光顧,應該要從多方面去綜合了解,例如公司網站、服務內容、社交媒體、客人評語等,最重要同最呃唔到人嘅,就係同間公司嘅直接溝通,最睇得出呢間公司嘅處事態度。不過呢個步驟可能需要花多啲時間及耐性,如果您問有冇Tips可以快啲分辨到避免中伏,可以留意以下幾個地方:


1. 報價收費

全港基本上係冇一間搬屋公司需要付費先肯報價,免費報價係行內常規,如果有公司問您拎報價費,就打醒十二分精神喇!


2. 逐件計方式收費適用

客人要特別留意張搬運清單,因為喺報價階段,呢類公司通常計起上嚟嘅價錢會比較低,但佢哋真係只會跟張清單去搬,有聽過客人講,臨場搬嘅時候發現多咗一個煲,搬屋公司會分開煲蓋同煲身嚟收費,缺乏彈性處理之餘,隨時仲會大失預算,要特別小心處理報價資料。


3. 計車數方式收費適用

客人要留意搬屋公司嘅貨車係咩噸數、車陣有幾長、車高有幾高。因為香港特別多高樓大廈,加上車多路窄,有部分公司會用比較短小嘅貨車,如果最後搬屋當日架車係最短陣嘅5.5噸車,擺少少嘢就滿咗,咁就隨時要走多幾轉,超出您預算嘅時間同收費。


4. 人手保證

有部分公司為咗慳成本,會減少搬運人手去維持盈利,但某啲情況例如要行多層樓梯/全棟獨立屋等,正常需要較多人手去處理嘅話,隨時會令本來可以一天內完成嘅工作,拖延到要兩日,最後要計多一日錢之餘,亦會耽誤埋時間。所以報價時客人可以向搬屋公司問多一句,等大家都對整個搬運流程及時間安排有個預算。


5. 溝通能力

其實網上寫到幾好,有幾多好評都好,如果您同呢間搬屋公司喺溝通上出現咗問題,對方未必太明自己嘅意思、語言障礙、態度問題等,就算對方有幾專業,大家都唔會搬得開心,好嘅搬屋公司有好多,要搵間夾嘅先係最重要!


想知道更多關於搬屋/搬office嘅資訊?記得留意我哋嘅Facebook同Instagram啦!

-------

🚚高永搬屋官方網站:http://bit.ly/32HNqeO

🖼高永搬屋instagram:http://bit.ly/2V0dlwx

📲線上報價/查詢:http://bit.ly/goingmoving / +852 5595 7455 (Whatsapp)


#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #海外搬遷 #存倉 #搬屋吉日 #復活節 #公眾假期 #二手家私 #紙箱 #包裝物料 #執屋 #搬運 #搬屋報價 #立即報價