【搬屋前先買樓】買樓會唔會有乜意外㗎?(保險篇)


家居保險


意外就係意料之外,對物業嚟講都一樣,但市面上有咁多唔同嘅保險計劃,預算又有限嘅話,應該買邊種先最適合自己呢?嚟緊高生會為大家講解吓最常見嘅「家居保險」、「第三者責任保」及「樓宇結構保險」三者嘅分別,準備幫屋企買個保障嘅您唔好錯過呀~

家居保險

呢份保險可以話係入門級別,無論您係住公屋、私人樓、唐樓定村屋,想幫自己屋企嘅財物買個保障嘅話,買佢就冇錯喇。如果您遇上以下情況,財物因而受損: 1. 火災、颱風、爆炸、水浸、水管爆裂、襲擊、盜竊等意外

2. 搬屋時發生意外

3. 於裝修期間發生意外

4. 因意外需進行家居維修,並需要臨時搵第二個地方搬遷及居住 5. 寄存迷你倉時遇上意外 家居保險都會幫到您!部分公司嘅保障範圍更加係全球性,即係無論您係旅遊定公幹,身處外地時不幸財物遇上意外都有機會可以Claim到,不過要注意嘅係,手提電話、平板電腦或手提電腦唔係每間公司都會保障,詳情當然要問返您嘅保險公司啦。


第三者責任保

一般家居保險都會包括埋第三者責任保險,適用於當投保人、同住家人甚至外傭,於物業或大廈公用地方因個人疏忽引致第三者身體傷亡或財物損毀嘅時候。最簡單易明嘅例子就係打風期間,如果投保人屋企嘅鋁窗意外破裂甚至成隻窗跌咗落街而不幸造成第三者傷亡,第三者責任保險就可以為投保人提供保障喇。


而部分公司嘅家居保險亦設有為放租業主制定嘅方案或自選項目,所以亦有「業主保險」之稱,為租戶違反租約條款而招致嘅租金損失作出保償。


講到保障咁多,保費咪好貴?大部分情況下,家居保險嘅保費都係按單位嘅建築面積計算,呎數越大、保費越貴,而且同人買醫療保險一樣,年紀(樓齡)越高、保費都會越貴㗎。冇管理公司做恆常保養嘅物業,例如唐樓及村屋,由於風險較大,保費都會較貴。而如有投保人屋企有聘請家傭,又或者係有養寵物,受保範圍亦要求包括埋家傭個人物品或寵物因意外或疾病而需要接受治療嘅相關保障,金額就當然會更高啦。 除咗關注保費,計劃內容嘅墊底費都一樣重要,即係每宗索償投保人要承擔嘅金額,舉個例,如果您嘅物業因為打風水浸,令到屋企部風扇壞咗,本身物品價格係$2000,但保險嘅墊底費係$1000,最後您只會獲得墊底費以外嘅賠償,即係$1000(呢到都順帶一提,投保人喺申請索償嘅時候,係需要提供返顯示物品價值嘅收據,但可能一般人都未必會張張單都Keep㗎嘛,呢個時候保險公司就會按照物件損壞時嘅再售市值作為賠償依據喇)。由於每間公司嘅墊底費都唔同,亦都冇設定嘅準則,所以大家投保前記得留意清楚,唔好因為保費較平,但墊底費極高,最後真係要索償嘅時候先發現份保險根本用唔著呀!


下次高生就會同大家講解埋「樓宇結構保險」亦即係「火險」,有傳佢同家居保險好似樣,一樣喺打風期間影響到投保單位嘅話都可以索償,究竟係唔係真㗎呢?有興趣嘅您記得Follow我哋嘅Facebook同Instagram啦!

-------⠀

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)⠀


#高永搬屋#GoingMoving#搬屋公司#搬運公司#搬屋#搬寫字樓#移民#移民搬屋#空運#海運#船運#國際搬運#報關清關#搬運#二手家私#存倉#搬屋報價#免費上門報價#即時報價#線上報價#家居保險#火險#第三者責任保