【家私存倉】存倉原來都分好多種?到底點揀先最好?


存倉

當屋企要裝修,又或者係舊租約滿咗但新屋未Ready,一屋都係嘢點算好?呢個時候好多人都會諗到「租倉」,但係市面上有咁多唔同類型嘅倉,搬屋公司又話有存倉服務可以提供,咁應該點揀好?喺決定之前,一齊了解吓三大存倉形式「傳統迷你倉、上門迷你箱、搬屋公司存倉服務」先啦!

收藏家之選:傳統24小時迷你

係喺一個冷氣中央倉庫入面,再獨立間開唔同呎數嘅倉位及儲物空間,客人可以按照自己嘅需要,租用合適大小嘅位置,租期一般一個月起跳,亦需要支付按金,不過除咗呢兩項費用,就冇其他特別收費,好容易就可以自行計算出存倉期嘅所需開支(如果您係租旺區甚至係港島區嘅,費用會比租其他地區高好多㗎)。部分迷你倉會24小時開放,年中無休,所以就算係突然醒起有嘢想拎返出嚟嘅話,都可以隨時去倉庫提存。 不過要注意嘅係,迷你倉經常有達唔到消防條例標準嘅問題,最好了解一下相關嘅火險同財產保險,租之前亦可以親身視察一下防火設備完唔完善,順便睇埋倉位嘅實際呎數足唔足夠您使用。另一方面,雖然基本都會寫明有24小時CCTV監察倉庫環境,但最好都係做足安全措施,買把硬淨少少嘅鎖就唔駛擔心保安問題喇。

斷捨離困難症之選:上門迷你箱

係近年新興嘅儲物服務,亦有「迷你箱」、「儲存箱」之稱,顧名思義即係主要係俾您存放箱頭用嘅。呢種方式好講求客人對自己嘅物品有一定嘅了解程度,能夠清晰咁預計到自己有幾多物品需要存倉,下一步就可以喺網上面揀選租用唔同類型、唔同呎吋嘅儲物箱(大多有普通文件紙箱及儲物膠箱可選擇),月租按箱數量收費,如果您選擇用紙箱就會有額外嘅物料費用,租期最短一個月計,部分公司設有最低消費,亦有唔同嘅組合計劃及月租優惠等。同傳統迷你倉唔同嘅係,只要您喺網上成功預訂服務之後,迷你箱公司就會安排上門派送收納箱,並於另一日收返已經裝好箱嘅物品再寄存去中央倉庫,租期完結就會再送返去您屋企,全程唔需要自己落手搬運及安排交通,當然咁就會牽涉到運送費用啦,大多數去程都係免運費嘅,回程及存倉期間,如果您突然想提取某部分物品,就會有唔同嘅額外收費,由於計算方式較繁複,建議去返該公司嘅官方網站查詢,但睇到呢到,心水清嘅您就會發現,冇錯,租用迷你箱嘅話,客人係唔可以自行進出中央倉庫嘅,直接啲講,您可能連倉庫位置都唔知喺邊,所以租之前,記得要睇清楚相關嘅服務條款及保障範圍,一般嚟講,迷你箱公司一樣係24小時CCTV監察系統及冷氣服務,而賠償方式會係按箱數計算,約$1000-$2500/箱不等。


上門迷你箱之上門迷你倉

部分迷你箱公司都設有上門迷你倉服務,適合有非箱頭、需要存放家私嘅客人。呎數方面比傳統迷你倉較少選擇,可能會較容易出現太大個個/唔夠位用嘅問題。同樣以「一條龍服務」為賣點,除咗會派人上嚟幫您收走物品再存入倉,有需要仲會幫您嘅家私提供拆裝服務。費用方面,唔計倉租,上門迷你倉服務除咗來回兩程嘅運費之外,搬運時間亦都有限時30分鍾,而如果您係中途需要提存物品,收費更加會係按師傅人頭計算(預計每單有2-3位),有打算租呢類型迷你倉嘅客人就要有更好嘅計劃喇。


裝修、長時間離港、移民之選:搬屋公司存倉服務

唔係高生想賣廣告,但講完上面上門迷你倉嘅存倉及運送方式,都真係想好好介紹一下搬屋公司嘅存倉服務。一般有正常規模嘅搬屋公司都可以提供存倉服務,通過消防安全條例、24小時CCTV監察系統及冷氣服務都係基本,雖然唔能夠可以好似傳統迷你倉咁俾客人自由出入,但只要同該公司溝通好預約好,要存倉期間存取物品唔係大問題。以我哋高永搬屋為例,費用方面會分單程運費及每月倉租兩部分,運費即包括包裝物資(如紙箱、封箱膠紙、Bubble Wrap等)嘅派送費用、拆裝家私費用、搬運時為家私做好保護嘅物料費用及搬入倉存放/出倉返客人屋企嘅運送費用,如出發地點及回程地點一樣,咁回程運費都會係一樣,如果回程目的地搬運環境有特別情況(如要行樓梯、推斜坡、轉平台等),就會有附加收費;倉租方面,會係按實際使用空間計算,亦即係話如果到搬運當日發現有啲物品唔需要存倉,運費及倉租都會有調整空間,客人亦唔需要預約服務時就講實要存幾耐,只需定期支付租金就可以(不足一個月的話最少按星期收費)。

總括嚟講,如果您需要嘅係一個既可以暫存物品、又可以間唔中上去拎吓嘢嘅地方,又或者您想建立一個屬於自己嘅小書庫/小衣帽間,傳統迷你倉會係您最佳選擇;而如果您只係需要一個未必好大嘅額外空間存放一啲短時間內都用唔著嘅箱類物品,上門迷你箱就比較適合;但如果您係屋企大裝修、因不同原因長時間離開香港而沒有地方擺放物品、又或者準備移民,提前賣樓又未過去外國,有形形式式嘅家私及雜物需要存放,出倉後又要將家私還原,又或者直接寄到海外,咁建議您都係搵有自己室內恆溫倉庫嘅專業搬屋公司報價啦!

如果想知道更多有關搬屋嘅資訊,記得Follow我哋嘅Facebook同Instagram啦! -------⠀ 高永搬屋官方網站:http://bit.ly/32HNqeO 高永搬屋Instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)⠀

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #洗冷氣