逆市下人人生活都唔容易，但面對俄烏戰爭帶嚟嘅全球性物流業衝擊，定係數都數唔清嘅第幾波疫情，高生到呢一刻要無奈地宣布，隨住經營成本無間斷地上升，我哋嘅服務費用會有輕微調整，希望大家體諒。
搬運業嚟講，紙箱、膠紙、綑膜同Bubble紙都係極大需求嘅消耗品，就算係本地嘅供應商，原材料都主要係Made in China，而事實上，自從疫情開始，中港物流嘅成本一直係有增無減，特別係前排上海大爆發陸路全面封鎖，我哋只可以選擇貴幾倍嘅海運，加上當局為咗控制出境人口，減低病毒傳播機會，大大限制咗運輸車輛嘅數量，就算有車有司機有貨，亦係重重難關、每關都有連帶住嘅手續費，目前為止，搬運成本足足高咗超過四成。
另外受俄烏戰爭影響，國際油價爆漲，但最近總算回落返。不過移民搬運嘅客人就要有心理準備，如果您嘅目的地係北歐地區，由於受戰爭影響，部分港口拒絕船隻停靠，航運路線有機會因改道、繞路而產生額外嘅運送時間，當中產生嘅燃料成本及附加費，船公司嘅報價都會比以往高。
高永一直以嚟都係本住「盡做」嘅心為大家提供更好嘅搬運體驗，希望捱過呢關之後，下次同您哋宣布嘅係各種唔同嘅搬屋優惠。大家都要頂住！
想知道更多關於搬屋/搬Office嘅資訊？記得留意我哋嘅Facebook同Instagram啦！ ------- 高永搬屋官方網站：http://bit.ly/32HNqeO 高永搬屋instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)