【移民搬屋錦囊:搬運流程】


移民搬運

移民可能係一生人只有一次(最好就係啦)嘅經歷,高永未必喺「移民去邊個城市」上俾到意見您,但若然呢刻您已經準備好、想搵搬屋公司幫手報價,以下資訊或者會幫到您。

報價需要咩資料?

同喺本地搬屋一樣,只要提供以下資料,好快就可以畀到報價您:

1. 香港大廈/村屋名稱及目的地城市名稱

2. 列出搬運物品清單及家私相片

3. 預計雜物數量(可提供紙箱大小:21x14x15吋/54x35x38cm)

如果新舊居有樓梯、平台又或者泊車上有困難等有機會影響到搬運流程嘅因素都記得向我哋提出。

報價包括?

高永嘅移民搬運服務係採用船運方式,Case by Case 獨立處理之餘,仲係Door to Door嘅,即係除咗包括提供所需包裝物料,例如紙箱、膠紙、Bubble紙、家私包裝用嘅綑膜、見坑紙,亦包括報關及清關行政費用,但如果有稅項、檢疫費、碼頭擠塞費或因意外而產生的當地延後存倉費,則須由客戶支付;客人如有個別考慮,建議於搬運前通知我們代辦或自行購買保險。要留意嘅係,因為船公司嘅報價會喺疫情之下經常有更新,任何海外搬運公司嘅報價都係按現價計算,如果客人係計劃遲啲先搬,記得到時再搵我哋update最新價錢啊。

點樣包裝運送物件?

雖然高永有雜物裝箱(Packing Service)提供,但一般都建議同香港搬屋一樣,由客人自已收拾個人物品放入紙箱,因為屋企一定有好多嘢唔需要帶走,如果由搬運公司幫你執,一定會帶多咗冇用嘅嘢去,當比個機會自己離開香港前好好整理一下自己,重拾喺香港嘅快樂回憶。

不過執箱就要注意唔好放太重,我哋建議「最多最多」唔好裝超過25kg嘅物件,混合重及輕的物品放入同一個紙箱,盡量平衡每個紙箱嘅重量,最緊要係執箱盡量用盡每吋空間,等佢入面嘅嘢唔會喺搬緊嗰陣有大幅度移動,就最能夠保護到您嘅物品。至於家私及電器,會由高永搬運團隊於收貨當日為您用綑膜及紙皮進行包裝保護;考慮到貨物始終有機會喺船上擺放至少一個月,有需要嘅客人亦可以做多啲防潮措施,例如放入防潮珠等,減低物品受潮嘅機會。 有客人會基於安全理由,提出想訂造木箱運送物品,但其實木箱內嘅物品本身嘅包裝唔完善/物品之間冇緩衝物,即使用木箱作整體包裝,亦無法避免箱內物品及箱與箱之後互相碰撞而產生嘅損壞,而造木箱亦會產生有訂製及薰蒸費用等額外搬運費用。

搬運日程?

只要有目的地嘅完整地址及有人收貨,就可以安排送出物品㗎喇!根據過往經驗,一般東南亞地區嘅運送時間,上船連清關大約只需2-3星期,而歐洲地區就大概40-50日。客人只需要同我哋講預計幾時喺當地收貨,我哋就會計返時間同船公司update最新報價,客人可再作最後確認,冇問題嘅話高永就會幫您預留船期及安排上門收走運送物品,然後上船寄走。

有客人可能要親身去到當地處理手續/租買房屋,落實地址後先安排寄走物品,當中可能會引申出搬運物品要先存倉嘅需求,呢方面高永都可以幫到您㗎!雖然會另外收取存倉費用,但本地存倉費遠遠比當地碼頭嘅存倉費低,亦唔需要再擔心因為開船後要更改收貨地址而產生嘅手續費。 最後提提大家,隨著全球各地疫情持續,入境政策隨時有變動,除咗一般會要求入境人士喺出發前進行檢測,到達目的地後亦可能需要進行隔離。出發前記得要預先到當地政府網頁更新相關資訊,以免耽誤行程啊! 想知道更多關於移民搬屋嘅資訊?記得留意我哋嘅Facebook同Instagram啦! -------

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)


#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #免費紙箱 #即時報價 #線上報價 #whatsapp報價 #新冠病毒 #Omicron