• Mr Go

【移民搬屋】移民搬屋知多啲!


移民搬屋

近年越嚟越多人想移民,但係移民究竟有咩要注意?移民搬屋應該搵邊啲公司?船運同空運又有咩分別?想移民嘅您,即刻入嚟睇吓啦!


移民搬屋

相信香港人對移民一詞已經好熟悉,而移民亦即代表您要離開原本生活嘅地方,去另一個地方/國家定居。如果您打算移民嘅話,而又有傢俬、電器、衣服、雜物等要帶去新居,就必須要搵搬屋公司幫手啦。


搬屋公司移民搬遷服務

香港有最少過百間大大小小嘅搬屋公司,但係未必間間都有提供海外搬遷服務,所以記得預先查詢搬屋公司有冇提供海外搬遷呢行服務。除咗移民搬遷服務之外,您亦有可能需要用到存倉、包裝、甚至訂製保護器具等等,所以您要按自己家庭嘅需要而去搵一間能夠提供適合您嘅服務。


海運vs空運

移民搬屋嘅方式不外乎海運同空運,而兩者最大嘅分別就係價錢同時間。空運時間較快,一般國家可以快至4-6日就送到,但價錢較貴;海運時間較長,較快嘅東南亞都要最少2-3星期,歐洲等地更需至少一個月,但價錢平好多。一般人普遍都係揀海運,因為移民本身就係需要長時間計劃嘅事,可以提早安排上船,慳返筆錢去做其他嘢。


入口稅及禁運物品

唔同香港,好多國家都都會對入口嘅物品徵收入口稅,準備移民嘅您一定要注意。而每個國家嘅稅項都唔同,而且有啲國家會有一次嘅入口稅豁免。以近年港人移民嘅熱門地英國為例,只要您申請咗ToR1(Transfer of Residence relief),移民嘅第一年運送曾使用超過半年嘅個人物品都可以免稅,如果您喺清關時都仲未申請到ToR1嘅話,您亦可以先交稅款,只要一年內成功申請後就可以申請退稅。


另外亦要注意每個國家嘅禁運物品限制,再以英國為例,禁運物包括非法藥物、含攻擊性武器、瀕危物種、鑽石原石、色情刊物、假冒及盜版商品、肉製品及奶製品;而限制品就包括所有需要進口許可證嘅產品,例如槍支、爆炸品、彈藥等。要特別注意嘅係如果您移民嘅地方係美國、澳洲、加拿大、日本或歐盟各國嘅話,而入境嘅物品又有木材,例如木衣櫃、木箱等,就需要提供已經熏蒸處理嘅證明書。


包裝及保護

同一般搬屋一樣,傢俬、電器、衣服、雜物等統統都需要包裝,而且更依賴包裝嘅手法,因為您嘅物件始終都需要運送一段長時間,碰撞嘅機會自然大咗。特別係當您使用船運嚟搬運物品時,記得做好防潮措施,例如放多啲防潮包,因為貨物始終有機會喺船上擺放至少一個月,較易潮濕。


移民要做嘅準備同功夫都好多,如果您搵到間適合自己,又幫到手嘅搬屋公司,相信一定可以慳返唔少時間同金錢!


想知道更多有關搬屋嘅資訊嘅話,記得留意住我哋嘅Facebook同Instagram啦!

------

【📚高永搬屋教室-課題重溫】

紙箱都有咁多種?搬屋紙箱大解構! https://bit.ly/34UWEH8

BNO移民英國最新懶人包 https://bit.ly/388nHRk

-------

🚚高永搬屋官方網站:http://bit.ly/32HNqeO

🖼️高永搬屋Facebook:http://bit.ly/39NpE3c

📲線上報價/查詢:http://bit.ly/goingmoving / +852 5595 7455 (Whatsapp)


#高永搬屋 #GoingMoving #Movingcompany #relocation #高永教室 #搬屋 #搬運 #搬屋公司 #搬運公司 #搬寫字樓 #搬辦公室 #搬屋報價 #搬屋紙箱 #搬家私 #搬琴 #搬雪櫃 #搬屋吉日 #搬唐樓 #搬村屋 #移民 #移民搬屋 #移民搬遷 #移民注意