【申請公屋】輪候公屋攻略


六月中居屋結果出爐,同時房委會轄下嘅資助房屋小組委員會亦公布咗本年度可編配公屋單位嘅數目,不過令人失望嘅係,比起2021年嘅3.1萬個單位,減少咗11%,得大約27,600個單位,一般公屋申請者平均輪候時間增加到6.1年!雖然睇到個數字好似好絕望咁,但香港樓價咁高、私樓租金又貴,可以平平哋用人哋租車位嘅幾千蚊解決居住問題,就算新公屋申請者只可以選擇三個非市區嘅地區輪候,都一樣咁吸引。如果您都有興趣排公屋呢條隊,但唔肯定自己符唔符合資格,又或者係排咗好耐,想知有冇其他捷徑,就繼續聽吓高生點講啦!


公屋申請資格

房屋委員會(房委會)將公屋申請界定為四大類別,包括一般家庭申請、長者申請、非長者一人申請及「天倫樂」優先配屋計劃申請。 一般家庭申請即係基本公屋申請資格: 1. 申請者必須年滿18歲;

2. 申請者及其家庭成員必須現居於香港並擁有香港入境權,其在香港的居留不受附帶逗留條件所限制(與逗留期限有關的條件除外);

3. 申請者的住戶總每月入息和總資產淨值不得超過現行的限額;

4. 申請者及其家庭成員在香港並無擁有任何住宅物業;

5. 獲分配公屋時,申請表內必須有至少一半成員在香港住滿七年,而且所有成員仍在香港居住

如果申請家庭成員入面有長者,無論係喺輪候定係配屋階段都會獲得一定程度嘅優先處理㗎。


公屋申請程序

1. 遞交申請

2. 初步審批:審批合格,3個月內獲印有申請編號的「藍卡」,不合格重遞申請

3. 詳細資格審查

4. 審查通過,輪候配房;不通過可於半年後恢復申請

5. 成功配房


最容易失敗嘅位置,就係超出入息上限,根據房委會「2022/23公屋申請入息及資產限額」,一人家庭入息限額維持不變,不可多於港幣$12,940,資產限額就增加咗2.5%,放寬至港幣$27.3萬。非一人家庭申請嘅可以去返房委會嘅網站,快速了解吓自己合唔合符申請公屋資格啦!https://www.housingauthority.gov.hk/tc/flat-application/income-and-asset-limits/index.html


至於排咗好耐都未等到好消息嘅大家,可以參考一吓以下方法,話唔定有機會可以早啲得到安樂窩㗎!

輪候公屋攻略:轉排家庭申請

非長者一人申請實行計分制,要儲夠分數排隊等上公屋,即係申請者喺18歲申請時底分為0分,每輪候一個月會獲得一分,滿45歲就可以一次過加六十分,跟呢個編配進度嘅話,申請人須要等大約30年先可以獲安排詳細資格審查,而且輪候期間收入都唔可以超過指定上限,都真係幾消磨人意志。如果中途轉隊排家庭申請,例如成家立室、夫婦二人一同申請,或者同兄弟姐妹一同申請,平均輪候時間會減到去5.8年,之前排一人隊累積嘅輪候時間,有一半都可以轉過去家庭申請之中,雖然有上限1.5年,但減得幾多得幾多!


輪候公屋攻略:選擇長者計劃

如果有親人係長者,可以透過房委會為長者設計嘅三個優先配屋計劃,大大減少輪候時間 1. 高齡單身人士:

- 申請人年滿 58 歲;配屋時必須年滿 60 歲


2. 共享頤年:

- 申請表內所有人士必須年滿 58 歲;配屋時全部人士必須年滿 60 歲


3. 天倫樂:

- 同一家庭申請,選擇與長者同住一單位;或

- 兩個家庭申請(核心家庭及高齡人士家庭),分別居於同一區議會地區的兩個單位


輪候公屋攻略:申請「特快公屋編配計劃」

如果您係屬於「百無禁忌」、總之有位就得嘅人士,呢個計劃就幫到您喇,因為計劃入面嘅大部分都係受歡迎程度較低嘅公屋單位,例如凶宅、曾有蟲患、鉛水問題、處於偏遠地區等等。輪候時間短之餘,部分單位甚至會特設租金寬減期,不過成功獲特快編配公屋嘅住戶三年內唔可以要求調遷,亦唔可以申請綠置居,只可以用白表資格買居屋,所以想透過呢個計劃申請公屋嘅話,就要諗清諗楚先決定喇。


想知道更多關於搬屋/搬Office嘅資訊?記得留意我哋嘅Facebook同Instagram啦!

-------

高永搬屋官方網站:http://bit.ly/32HNqeO

高永搬屋instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp) #高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價