相信大家睇過之前高生分享嘅「五招避免搬屋中伏」，都會比較有信心避開搬屋陷阱㗎喇，但如果今日您係奉命要幫公司揀搬屋公司，又有冇其他注意事項呢？首先，要了解清楚公司最睇重嘅係咩因素，可能係價錢、公司規模、服務質素，甚至係比較抽象但個個都想追求嘅性價比高。不過都係嗰句，想知一間公司值唔值得光顧，絕對應該要花多啲心機，從多方面去綜合了解，例如公司網站、服務內容、社交媒體、客人評語等，甚至好好利用搬屋公司免費報價及即時線上報價嘅服務，親身感受吓對方嘅處事態度，避免單靠Likes數、好評等營銷手段而判斷一間公司嘅好壞。
如果您嘅公司要搬Office，注意以下三點您就可以搵到最適合嘅搬屋公司！
辦公室搬遷注意一：價錢唔係首要考慮
「平嘢冇好嘢」、「收咁貴唔會差得去邊」呢啲都係比較刻板嘅說法，其實最緊要嘅係收費合理。特別係搬運行業，免費報價幾乎係行內常規，不論係線上定上門報價，如果有公司向您收取報價費／諮詢費，咁都可以搵定另一間搬屋公司喇。另外，喺上一篇文章都有提到，商業搬遷應該要點樣準備好報價資料，只有資料齊全及準確，報價先會有參考價值。除此之外，客人都要留意搬屋公司嘅收費模式，例如逐件收費、按呎價收費、按物件佔用車嘅空間收費及綜合因素報價等，就算搬運嘅地點及物品完全一樣，唔同模式都會有唔同嘅收費準則，咁報價差異就可以好大㗎喇。喺了解清楚每一份報價係包括啲咩及其他收費標準後，就算搬運內容真係有變動，都可以知道費用加收嘅原因，咁就唔怕臨場失咗預算喇。
最重要嘅係，搬Office其實比搬屋有更多考慮，專業性更為重要，現場會如何配合到公司唔同嘅要求、處理手法成唔成熟、好唔好夾都好重要，如果唔係搞亂晒公司嘅嘢，甚至有乜損傷，隨時會影響老闆對您嘅印象㗎！
（想知更多點解間間搬屋公司收費咁唔同？入嚟睇吓另一篇一文全面拆解搬屋公司嘅計價方式啦）
辦公室搬遷注意二：公司規模要注意！
其實同揀餐廳一樣，連鎖食肆同特色小店都會有佢哋嘅支持者，而如果係搬公司嘅話，應該都會好怕搬屋公司「臨時甩底」，即日先同您講冇師傅搬，就真係企咗喺到，影響營運之餘，趕住清場嘅仲要臨急臨忙搵過第二間，一嚟其他搬屋公司未必可以即日安排到，二嚟有機會要硬食昂貴收費。所以呢到講到嘅公司規模，指嘅唔一定係間搬屋公司做到有幾大型、全體有幾多個員工、有幾多部貨車等，而係一間公司俾唔俾到信心保證同承諾您，可能係報價時嘅交談態度、回應速度，甚或係報價單上嘅服務條款及細則等，能夠令您覺得安心嘅話，又駛咩怕佢係唔係行內老字號呢。
辦公室搬遷注意三：服務態度最緊要！
未到搬嗰日的確唔會知師傅質素如何，可能只可以參考網上嘅評語，但同您一直溝通嘅客戶服務人員，都一樣代表緊間公司嘅質素好壞，如果客服係十問九唔應、答非所問，又或者係表現到唔樂於解答您嘅搬運問題，基本上都冇辦法俾到可靠嘅感覺您，就算師傅有幾專業，大家都唔會搬得順心。經驗豐富嘅搬屋公司有好多，但用唔用心經營及為客人著想，相信客人親身感受過之後，自然會搵到一間至夾您嘅公司。
所謂性價比高，其實都係講緊您認為「值唔值得」嘅問題。搬屋、搬公司唔係一件輕鬆簡單嘅事，高永明白客人都希望可以快啲完成報價程序、提早收到包裝物資收拾行李、搬運當日順順利利，盡早開展新生活。因此我哋一直致力以真誠理性嘅態度與客人溝通，除咗鼓勵客人有任何搬運流程上嘅疑問及需要，都可以即時向我哋提出，亦希望透過喺線上分享多啲有關於搬屋、家居知識甚至係樓宇相關嘅資訊，令大家有更好嘅搬屋體驗之餘，同時感受到搬運行業其實唔係咁有距離感，都可以好貼近生活㗎。
想知道更多關於搬屋/搬office嘅資訊？記得留意我哋嘅Facebook同Instagram啦！
-------
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)
Comentários