top of page

【搬屋工具】詳解搬屋三寶


搬屋工具

正所謂搬欲善其事,必先利其器!搬屋要搬得安心放心,除咗要有氣有力之外,搬屋嘅用具都一樣唔少得!我哋揀咗幾種搬屋必備嘅工具介紹俾大家:


紙箱

無論您係搵搬屋公司定自己搬,最需要嘅一定係紙箱。紙箱可以裝到唔同類型嘅雜物,一般搬屋公司都係主要提供一款約21吋x14吋x15吋大細嘅紙箱,呢種大細已經可以裝到大部份雜物。裝好雜物後,每個紙箱嘅重量都係建議維持喺15-25kg左右,咁樣先係較安全,而且搬起上嚟冇咁易容受傷。


而紙箱除咗可以用嚟裝雜物之外,有時亦都可以用嚟保護家私及其他大件物品。您可以用紙皮包住家私嘅角位,搬起上嚟就唔怕撞花/撞爛。


板車

一個雪櫃輕則都50幾60公斤,唔好講話搬屋,一般人徒手由廚房搬去客廳都已經無力!唔講家私,就算紙箱都冇可能逐個逐個抬走咁哂時間㗎嘛!所以呢個時候您最需要嘅一定係板車。板車嘅每個轆可以承受超過200磅嘅重量,4個轆加埋即係可以擺到超過800磅(超過360公斤)嘅物件。不過千祈都記住唔好貪快而擺太多嘢上去,唔識砌貨嘅話好易會冧!


膠紙

有紙箱就梗係要有膠紙啦,唔係攞咩嚟封箱呢?一般嘅封箱膠紙闊5-7cm,千祈唔好買錯細卷膠紙,如果唔係有排您痴!除咗封箱之外,喺冇綑膜嘅情況下,膠紙有時可以用嚟拉緊紙箱,等佢喺板車上穩陣啲冇咁易冧。


其實除咗紙箱、板車同封箱膠紙之外,搬屋仲有好多用具可以幫到您手,例如Bubble紙、綑膜、箱頭筆等等。而一般搬屋公司都會提供以上嘅包裝用具,有需要嘅可以喺報價前同佢哋講。


想知道更多關於搬屋/搬office嘅資訊?記得留意我哋嘅Facebook同Instagram啦!

-------

【高永搬屋教室-課題重溫】

3大衣櫃收納技巧 https://bit.ly/3hS4hlW

九月有咩搬屋吉日?https://bit.ly/2Yo8tCg

-------

線上報價/查詢:http://bit.ly/goingmoving / +852 5595 7455 (Whatsapp)


コメント


bottom of page