【搬屋問題】搬屋前2個星期有咩要準備?


搬屋改地址

搬屋其中一樣要注意同埋要提前處理好嘅就係水電煤以及寬頻啦。而家申請斷水電煤等嘅程序已經簡單好多,準備搬屋嘅朋友記得mark低下面嘅資料啦!


食水/鹹水供應

如果您已經係電子服務嘅用戶,您可以先進行結束舊地址帳戶嘅步驟,然後再喺新地址帳戶申請承接用水。水務署會喺大約7日內完成辦理,另外您亦都可以致電+852 2824 5000提出申請。


電力供應

如果您係中電用戶,可到中電主頁,或致電+852 2678 2678申請截電、退遠按金同供電嘅事宜,請緊記最少要預留2個工作天通知!而港燈嘅用戶就可到港燈主頁 ,或致電+852 2887 3411申請。唔方便網上申請嘅,亦可到所屬電力公司嘅客務中手辦理有關手續。


煤氣供應

同上面嘅處理方法一樣,您可到煤氣公司主頁 ,或致電+852 2880 6988申請開立及結束煤氣賬戶,同時亦親身到客務中心辦理,如果係申請重新接駁煤氣,記得帶業主身份證明、樓宇買賣合約同埋繳付接駁費!


電話/寬頻服務

請致電到您所屬嘅電訊公司作出通知及申請,而家唔少公司都有包搬遷嘅服務,所以一定要問清楚先!如果您唔記得申請取消舊址嘅水電煤,下一手嘅住客嘅用量就會繼續入您數,所以一定要提前申請!


想知道更多關於搬屋/搬office嘅資訊?記得留意我哋嘅Facebook同Instagram啦!

-------

🚚高永搬屋官方網站:http://bit.ly/32HNqeO 🖼高永搬屋instagram:http://bit.ly/2V0dlwx 📲線上報價/查詢:http://bit.ly/goingmoving / +852 5595 7455 (Whatsapp)

#高永搬屋 #GoingMoving #搬屋公司 #搬運公司 #搬屋 #搬寫字樓 搬屋報價