【搬屋前先買樓】買二手樓 陰濕位逐個捉(睇樓篇)


買二手樓

疫情回落,樓市回暖,反映二手樓價嘅中原城市領先指數 CCL 上星期報181.06,上返去180點以上喇!可以開啟置業之路固然係可喜可賀,相信網上面甚至當您一去睇樓,都大把資源一步一步咁教您點買二手樓,今次高生就精選睇樓篇同簽約篇嘅四大重點,同您一齊避開買二手樓嘅陰濕伏位!


注意一:唔好亂簽睇樓紙

如果您係由地產經紀帶您睇樓,通常佢哋都會要求您簽一份具法律效力嘅「地產代理協議」(俗稱「睇樓紙」),上面會寫明經紀會帶您去睇邊啲單位,呢份文件係一定要簽嘅,因為如果最後達成該單位嘅買賣/租務協議,呢張睇樓紙就會係經紀向您或買家收佣嘅憑據。但簽之前,都要留意:

- 簽署或生效日期

因為睇樓紙一般有效期為三個月,有貪小便宜嘅經紀會特登漏空有效日期,所以一定要睇清楚相關日期嘅真確性以保障自己。

- 唔好重複簽睇樓紙

上面都講過佢就好似係經紀向您收佣金嘅發票,同時呢份文件已普遍列明如果您嘅直系親屬透過其他方式於有效日期內購入單位,亦有機會需要支付原本經紀嘅佣金;另外,即使中間您唔再透過經紀交易,只係同業主私下買賣,亦一樣要俾。換句話說,每簽多一份,您就有可能要俾多一份佣金。


注意二:把握睇樓「黃金十分鐘」搵出問題

大家都知睇樓係爭分奪秒嘅,有唔少苦主都喺網上面呻過,喺成交甚至入住之後先慢慢發現棟樓原來有好多問題需要維修,點樣可以避免跌入「化妝樓」嘅陷阱?呢到高生同大家介紹「睇樓三寶」:有睇樓經驗嘅朋友、乒乓波、電筒,加埋留意以下幾個位,一齊「拆穿佢個西洋鏡」! - 單位氣味

特別係廁所及廚房,如果聞到渠味或者霉味,好可能係渠管有淤塞、牆身有滲漏、去水位有積水,令到空間長期處於一個潮濕嘅狀態。遇到咁嘅情況,可以試一試沖廁及洗手,睇吓坐廁去水同洗手盆去水速度有冇異常;如果有假天花,就要喺業主同意嘅情況下揭一揭開睇睇入面嘅情況,曾經就係有苦主及時喺假天花內發現鋼筋外露、石屎大片剝落,揭穿單位有嚴重嘅滲漏問題。

而如果一入屋就聞到裝修味,可能會覺得「都幾好喎,業主最近先翻新完」,但要小心可能係因為單位舊有狀況太差,甚至係刻意過度修飾單位,要知道大多根本性嘅房屋問題,並唔可以單靠表面個靚樣嚟判斷情況好壞,唔想住落先知卸咗妝嘅樣,除咗靠自己Check,亦都可以留意大廈有冇張貼強制維修公告,甚至試吓向大廈保安攞料,因為佢哋都應該會睇過業主立案法團刊登嘅會議記錄,對各單位發生嘅事都有一定嘅了解。


- 外牆/窗戶

入面裝修得幾靚都好,外牆如果有問題,都唔係輕易可以掩飾到嘅位置,而大廈外牆往往係單位滲漏嘅源頭,當然,千其唔好自己伸個頭出窗望咁危險啦,但您可以用鏡,透過反射檢查外牆有冇裂紋,如果係紙皮石牆壁就要留意上面有冇出現細孔。

窗框方面,由於大多係通心結構,比較容易積水,老化速度較快,檢查時要留意窗框每個角位接合有冇問題、螺絲有冇鬆脫,亦要打開窗戶按壓內框膠邊,睇吓有冇變硬、收縮、脫落等情況。


最後都提一提,無論新樓抑或二手樓,高永都可以幫您解決繁瑣嘅搬屋問題,快捷輕鬆咁幫您完成搬屋任務,有任何需要就即刻搵我哋啦!


如果仲想知道更多買二手樓嘅注意事項/其他有關搬屋嘅資訊,記得Follow我哋嘅Facebook同Instagram啦!

-------⠀

高永搬屋官方網站:http://bit.ly/32HNqeO

高永搬屋Instagram:http://bit.ly/2V0dlwx

線上報價/查詢:http://bit.ly/goingmoving / +852 5595 7455 (Whatsapp)⠀


#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #買二手樓