【居屋2022】抽中居屋都被取消資格?


抽居屋

「咩話?樓都揀埋都會被DQ?」抽中居屋臨門一腳都俾人取消資格,就好似中咗六合彩但發現張飛唔見咗咁,唔想空歡喜一場就要留意以下四大地雷位,等自己有個好啲嘅預算喇!


1. 逾期提交入息及資產申報表

攪珠後房委會會個別向白表申請者發信通知揀樓次序,申請者要喺十個工作天內遞交填妥嘅「入息及資產申報表」,並提供有關證明文件進行詳細資格審查,如果您係一人家庭,每月入息限額為港幣$33,000萬,資產限額係港幣$92.5萬;如果係兩人或以上嘅家庭,每月入息限額為港幣$66,000萬,資產限額係港幣$185萬。如果過咗限期遞交表格,又或者係經房委會詳細審查後確定未能符合申請資格,申請就會被取消㗎喇。


2. 揀樓時失約

喺完成詳細嘅資格審查之後,房委會會以書面通知合資格嘅申請者喺指定時間前往居屋銷售小組,按照選樓次序選購單位及辦理購樓手續。當日,申請者、包括參加「家有長者優先選樓計劃」已滿60歲嘅家庭成員都必須出席,喺完成登記後,會按出席者嘅選樓次序安排進入選樓室選購單位,而喺選樓室嘅各位,就會以「先選先得」嘅方式購買心水單位。如果申請者無法依時到場,又或者係喺仲有單位供應嘅情況下未有選擇單位,就會喪失選樓資格,係唔會喺同一申請類別之下獲得另一次選樓機會㗎,申請費不會退還。 ‍


3. 無法完成簽署買賣協議

揀完單位之後,申請者要喺指定時間返去居屋銷售小組簽署買賣協議,無論您係用綠表定白表申請,都需要攜帶本票及支票準時出席,完成繳付訂金嘅程序,如果唔係揀中嘅單位都會被收返,並取消揀樓資格。綠表人士需要攜帶港幣$5.9萬嘅銀行本票,抬頭人為「香港房屋委員會」,如果上述金額不足選購單位樓價嘅百分之五,訂金餘額就需要即時以個人支票方式繳付; 而白表人士就需要準備好港幣$11.8萬嘅銀行本票,抬頭同樣為「香港房屋委員會」,如果上述金額不足選購單位樓價嘅百分之十,亦需要即時以個人支票方式繳付餘額。


4. 唔合符計劃申請資格

喺物業入伙紙發出之後,房委會會書面通知買方於指定日期內完成辦理餘下嘅購樓手續及繳清樓價餘款,如所有應繳嘅印花稅、於土地註冊處登記契據文件嘅註冊費、律師費用、契據文件(包括政府地契、公契、其他有關契約等)嘅核證副本費用等。要注意嘅係,買方喺辦理各項購樓手續時,必須一直符合申請資格,如果唔係就算簽署咗買賣協議都會被撤銷,所有已繳款項、訂金都唔會獲得退還㗎。

想知道更多關於搬屋/搬Office嘅資訊?記得留意我哋嘅Facebook同Instagram啦! ------- 高永搬屋官方網站:http://bit.ly/32HNqeO 高永搬屋instagram:http://bit.ly/2V0dlwx 線上報價/查詢:http://bit.ly/goingmoving / +852 5595 7455 (Whatsapp)

#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #移民搬屋 #空運 #海運 #船運 #國際搬運 #報關清關 #搬運 #二手家私 #存倉 #搬屋報價 #免費上門報價 #即時報價 #線上報價 #居屋