首先要同您講聲唔好意思先！一般嚟講我哋係唔會除鞋嘅，因為鞋對於師傅嚟講係一件重要嘅保護衣物，始終搬屋時都會有各種唔同嘅潛在危險，例如裝拆家私時有機會踩到螺絲等零件，亦都有可能喺赤腳時撞到其他家私，甚至喺搬嘢時跣親而導致受傷。作為搬屋公司嘅我哋絕對係有責任去保障員工嘅安全，更...

原因係新家私嘅安裝步驟係從零開始，安裝程序較多，安裝時間亦較長。而我哋一般裝拆舊家私嘅時候都係盡量去拆最少嘅零件，一來速度更快，二來減少裝拆次數都可以減低搬運過程對家私的損耗，提高家私壽命嘅同時，又可以加快流程運作。另外，有啲客人寧願慳返筆錢自己去做裝拆，您有經驗就當然抵啲...

好多人搬屋嗰陣先發現原來屋企有咁多鞋，雖然鞋唔算係最麻煩嘅嘢，但相信唔係個個都有keep鞋盒，所以執起上嚟都要啲技巧，如果唔係有機會搞到啲鞋變形㗎！ 首先您可以將啲鞋分類，例如分為常用同唔常用嘅，又或者係男裝女裝等，然後分開放入袋，唔夠袋/背囊用嘅話，膠袋都用得㗎！如果您怕...

要！要！要！雖然唔同公司有唔同嘅計法，但係只要影響到搬運路線嘅環境都要講定先！最好影埋相send畀我哋，因為我哋要評估到時家私搬唔搬到落嚟，又或者需唔需要其他嘅包裝/搬運技巧等，所以即使得幾級樓梯都一定要話畀搬屋公司知，咁樣先可以畀到個最準確嘅報價您！...

早前消委會做過一個調查，話搬屋公司嘅報價差距可以好大，呢個的而且確係事實，但係點先叫一間好嘅搬屋公司呢？係咪越平越好呢？ 如果您係需要搵搬屋公司呢啲提供服務嘅公司嘅話，事前一定要做定功課，留意返嗰間公司嘅信譽同評價，而家網上有啲平台好似HelloToby咁都有評分系統，當然...

想搬屋嘅朋友記得留意埋新舊居嘅𨋢夠唔夠大，如果係細𨋢嘅話，有嘅會擺唔入啲家私㗎！到時我哋會幫您拆咗啲家私佢，然後上樓後先再組裝，不過裝拆服務係另外收費嘅，所以記得喺搵搬屋公司報價前睇吓𨋢嘅大細，最好就影相交畀搬屋公司，佢哋會為您提供專業意見，到時嘅報價就會包埋拆裝費用...

好多人屋企都有供奉地主同土地，但如果要搬屋嘅話，千祈唔好請佢哋去新屋，因為地主就等於嗰個地方嘅主人，佢嘅責任就係祐護住喺度嘅人，如果將佢請到新居，就會同新居嘅原有地主有衝突，有機會影響到家人嘅健康。您可以喺搬屋前向佢上香致謝，感謝佢一直以嚟嘅照顧。...

傳統上嚟講，大肚婆應該要多啲休息，尤其係未陀穩嘅時期，搬屋搬嘢有機會會影響到個胎，到時動咗胎氣就唔好啦。而如果您搬嘅係新樓嘅話，裝修完仲有機會存留甲醛等有害嘅物質，有機會影響到胎兒嘅健康！ 如果您要搬嘅話，建議您可以搵搬屋公司幫手，然後交畀丈夫或其他家人處理，甚至可以返娘家...

搵搬屋公司同搵師傅最大嘅分別就係我哋會為您安排好成個搬運方案，包括前期嘅報價同提供紙箱，去到後期上門、裝拆、鑽牆、甚至將所有嘢安置好喺新居，全部服務都有提供。 而我哋高永搬屋嘅師傅全部都係擁有多年搬屋及搬寫字樓嘅經驗，亦都係經過訓練，識得專業包裝、拆置、鑽牆等技巧。如果您係...

好多新樓盤喺收樓嘅時候都只係得一間寬頻公司揀，原因可能係發展商同嗰間公司有合作開，如果您唔想用佢指定嘅寬頻公司嘅話，咁可能就需要等一段時間先會開放其他公司入線。 如果您唔想同指定寬頻公司簽長約嘅話，可以先自行購買sim卡或者租wifi蛋。各位新業主記得事先了解清楚有關新樓嘅...

如果您屋企有古董要搬嘅，記得一定要喺報價前講清楚！我哋有提供訂製木箱服務，等您嘅古董可以有多一個穩固嘅外殼保護。如果您嘅古董係需要其他特別保護措拖嘅都可以同我哋講，我哋會幫您諗辦法將佢安全無損地由舊屋搬到新居！另外，如果要搬貴重物品嘅話記得先購買保險，如有需要，我哋都有提供...

答案當然係可以啦，因為我哋都需要有人喺新居開門㗎嘛！我哋會安排最少一個人可以跟車，但如果超過一個人想跟車嘅話，我哋就要睇吓當日師傅嘅數量係幾多，如果唔夠位嘅就只可以有一個人可以跟到車。 想知道更多關於搬屋/搬office嘅資訊？記得留意我哋嘅Facebook同Instagr...

其實同普通搬遷服務差唔多，唔同嘅係我哋同海外各地嘅搬運公司都有合作，可以一條龍式提供由香港到海外、門對門嘅搬屋服務。而做法就同平時一樣，您需要將要搬嘅家私、雜物同埋要搬嘅國家及地址話畀我哋知，我哋會幫您預貨櫃嘅size，然後根據呢個貨櫃嘅大小同貨物所佔嘅空間大小而評估價格。...

呢個問題都有唔少客人問過，相信大部份公司都係答您唔會。原因係一般嘅客人都唔會鍾意用舊嘅紙箱，而且用過嘅紙箱嘅承托力同紙皮嘅硬度等都會下降，再用作搬屋用途嘅可能性減少。 而我哋會建議客人將用過嘅紙箱拆返開，整理好後放喺樓層或樓下嘅垃圾棄置站度，等其他有需要嘅人士或姐姐回收。順...

對好多人嚟講，搬入新屋/新office第一件事除咗要清潔乾淨之外，拜四角都係必做嘅其中一件事。如果係新樓嘅話，最好就係喺裝修工程前進行，最好就係喺通勝搵個吉日嚟做，例如「成日」、「定日」同「滿日」等，記得要避開「歲破」、「月破」、「四離」及「四絕」等日子拜祭。而如果您係租屋...

呢個話題喺近期炒到熱哄哄，其實人哋點樣去裝修自己間屋係人哋嘅自由嚟嘅，可能佢真係有需要呢！不過有樣嘢要提提大家，即使要裝修/間多幾間房都好，最好就要預多少少空間，唔係嘅話啲家私電器未必搬到入去，到時候加幾多錢都做唔到畀您！...

【搬屋學徒】高永搬屋招聘搬屋學徒 做得搬屋師傅唔可以淨係得舖牛力，每樣家私雜物嘅包裝、拆裝嘅方法都唔同，甚至點樣用架板車都係一門學問！每日、每張單要做嘅嘢都唔會一模一樣，好考個腦嘅轉數。只要您有心喺呢行發展，成為一個真正嘅搬屋師傅，每個月可以有超過三萬蚊嘅收入。...

如果您想使用我哋嘅搬運服務，歡迎先用Whatsapp聯絡我哋，然後詳細將要搬嘅物件數量、照片、新舊屋地址、屋苑搬運情況等話畀我哋知，然後我哋會出一個報價畀您，有需要嘅話亦都可以要求上門報價，費用全免。 如果您選用咗我哋嘅搬遷服務，我哋會先按照要求上門送紙箱，等您可以預先將雜...

除咗家用款式嘅Printer之外，大部分公司都係用緊直立座地嗰款嘅打印機，而搬呢款打印機嘅方法其實唔太難，我哋會用保護氈去包裹住部機，然後再用瓦通紙去包住機底(連埋轆)，因為通常呢啲轆都好易壞，所以我哋選擇直接將部機放上板車搬走。...

而家上Carousell唔只有得買嘢，仲有得租樓買樓添！有買樓、租樓嘅地方就梗係要有搬屋公司啦！嚟緊我哋會同Carousell聯合推出一啲優惠畀大家，一個app就搞掂哂買、租同搬，您話方唔方便先？想知最新消息嘅記得密切留意我哋嘅公布啦！...