Mr Go
2022年4月27日
相信好多人需要搬屋嘅時候，都經歷過有成千上萬個煩惱日日追住您嘅感覺，又要約經紀睇樓、上網不停搵筍盤、邊個單位唔駛裝修、裝修又要搵邊間好、而家啲家私夠唔夠位擺、去邊放賣用唔著嘅二手家私、搵十幾間搬屋公司報價…仲有數唔盡嘅瑣碎事等緊您，為咗減輕您嘅負擔，高生幫您諗多步，一齊睇睇搬屋除咗搵間好嘅搬屋公司，仲有咩細位需要注意啦！
有咗確定遷出及遷入日期後，建議盡快通知唔同嘅單位更新通訊地址，例如郵政局、稅務局、銀行、信用卡公司、家庭醫生、學校等。特別疫情期間，好多公司、機構甚至政府部門嘅辦公時間及人手都比較唔穩定。而政府一站通入面就設有網上更改地址服務，您可以一次過同23個政府部門同7個非政府機構更改地址紀錄，方便晒唔知由邊到改起嘅您。
政府一站通：使用地址更改服務
https://bit.ly/2Uj6L2M
除咗上面提過嘅水務處，中電、港燈同埋中華煤氣都有提供電子服務，只要瀏覽佢哋嘅網站，分別選擇「終止用戶權及發還按金」、「終止電力賬戶」及「結束煤氣賬戶」並按指示完成申請就搞掂㗎喇，當然亦可以致電或者親身到客務中心辦理。如果唔記得做呢個步驟，下一手住戶嘅水電煤用量就會繼續入您數，咁就唔抵啦！
水務處：終止用戶權及發還按金
http://bit.ly/32V1UYJ
申請承接用水帳戶
聯絡電話：+852 2824 5000
中華電力：申請終止賬戶 (住宅客戶)
https://bit.ly/3LaCa04
總結賬單及退回按金 (住宅客戶)
聯絡電話：+852 2678 2678
香港電燈：網上辦理/下載表格
聯絡電話：+852 2887 3411
中華煤氣：開立及結束煤氣賬戶
聯絡電話：+852 2880 6988
（如需申請重新接駁煤氣，記得帶同業主身份證明、樓宇買賣合約及繳付接駁費）
除咗幫屋企嘅小朋友聯絡學校更改通訊地址，工人姐姐都要㗎！首先，您要喺「標準僱傭合約」上更改地址，做法好簡單，只需要填妥「經修訂的著述及家務安排」表格，然後遞交到入境處就可以喇。而第二步就係通知保險公司改地址，以免因為地址不符而令保單失效，但如果您嘅家傭保險係經中介公司買的話，可以通知佢哋幫手處理。
唔同小動物有唔同脾性，作為主人嘅您一定最了解。連人去到新地方都可能會唔適應，感官靈敏嘅小動物都一樣，不妨試吓揀幾件有佢哋氣味嘅物件一齊到新屋，等佢哋即使到咗新環境都冇咁唔習慣。而搬屋當日，一般我哋都會建議客人預先帶寵物離開舊屋，始終搬屋時會長期開門，又有較多陌生人出出入入，而且搬運期間嘅噪音有機會影響佢哋嘅情緒，所以可以考慮交俾屋企人／朋友帶佢哋落公園或附近散步，等所有搬運物品上車之後再跟車去新屋，咁就唔怕嚇親佢哋喇。
想知道更多關於搬屋/搬office嘅資訊？記得留意我哋嘅Facebook同Instagram啦！
-------
高永搬屋官方網站：http://bit.ly/32HNqeO
高永搬屋Instagram：http://bit.ly/2V0dlwx
線上報價/查詢：http://bit.ly/goingmoving / +852 5595 7455 (Whatsapp)
#GoingMoving #搬屋公司 #搬運公司 #搬屋 #搬寫字樓 #移民 #海外搬遷 #存倉 #搬屋吉日 #二手家私 #紙箱 #包裝物料 #執屋 #搬運 #搬屋報價 #立即報價 #搬屋準備 #搬屋收費